Ficino, Marsilio

Epistolarum Familiarum Liber I

63
Divinatio de amico

Marsilius Ficinus Carolo Marsupino suo salutem

Tu quoque ter quaterque salve! Videbar mihi hac aurora dor-
miens brevissimam quandam orationem legere, in qua talis esset ver-
borum sententiarumque contextus, qualem ego semper pro viribus
observavi, itaque ambigebam meane an aliena legerem. Surgenti paulo
post e lecto reddita mihi est epistola tua, ex qua subito re ipsa cognovi
quod in libro De immortalitate animi disputaveram, matutina somnia
sepe nonnihil vaticinii continere. Vidi, Marsupine, Marsilium in tua
pupilla hodie Marsilio pulchriorem. Sed hec nunc missa faciamus.
Talis denique epistola est, ut compellat me pedibus potius quam
manibus ac voce potius quam litteris respondere.
Saluta Taddeum Ugolinum virum religiosum.

pagina successiva »

p. 119