Ficino, Marsilio

Epistolarum Familiarum Liber I

79
Quid est bene vivere

Marsilius Ficinus Hieronymo Pasqualino suo s. d.

Queris quid sit bene vivere: utilius queri nihil potest. Est autem
bene vivere verum intelligere, consultare bene, velle bonum, agere
bona. Primum sapientie est, secundum prudentie, tertium iustitie,
quartum perseverantie; primum a Deo est, secundum a primo, ter-
tium a Deo simul atque homine, quartum est a tertio. Qui ita vivunt,
vivunt homines; qui vivunt aliter, animalia vivunt.
Vale ac vive homo.

pagina successiva »

p. 139