Ficino, Marsilio

Epistolarum Familiarum Liber I

99
Velociter comparatur quod ardenter desideratur

Marsilius Ficinus Iohanni Altovito s. d.

Cupit animus tuus ardenter (ut scribis) ad nos volare. Si non ha-
bet alas, neque potest volare neque cupere debet quod non potest;
si habet, quod ego potius arbitror, cum primum concupivit, advolavit,
eternis siquidem et spiritalibus alis neque tempus obstare potest ne-
que locus: iam igitur habes — nisi me ratio fallit — quod tota mente
petebas. Sed utinam tam magnum mihi sit quod habes, quam tibi
et comparanti facile et possidenti carum, ut non minus re ipsa Marsi-
lius quam Iohannes aestimatione possideat.
Vale.
Iohannes Cavalcantes noster se tibi commendat.

pagina successiva »

p. 175