Ficino, Marsilio

Epistolarum Familiarum Liber I

101
Peripateticus non philosophus est pecuniam appetit, sed ut homo

Marsilius Ficinus Laurentio Medici viro magnanimo s. d.

Oliverium Ardouinum insignem Peripateticum commendarem
tibi non mediocriter, nisi Aristoteles suus eum tibi plurimum com-
mendaret. Si Aristoteles, qui pecuniam felicitati necessariam iudica-
vit, libros suos absque nummis componere potuisset, etiam Peripa-
teticus iste Aristotelica sine nummis posset interpretari. Intelligis ergo
quid velit: Oliverius Peripateticus est non Cynicus. «At non est»
— inquies — «philosophi hec appetere». Sit ita sane; verum non ut
philosophus est hec postulat, sed ut homo. Utrum vero philosophi
sit pecuniam petere, postquam concesseris disputabimus.
Vale.
Salutat te Laurentius Bonincontrus Miniatensis, poeta astronomi-
cus astronomusque poeticus.

pagina successiva »

p. 178