Ficino, Marsilio

Epistolarum Familiarum Liber I

104
Nemo sine amore de amore bene loquitur

Marsilius Ficinus Nicholao Micheloctio vero viro s. d.

Scripsisti ad me epistolam amatoriam, Nicholae, et quasi plusquam
amatoriam: nemo, Nicholae, nisi amator, amatoria tam belle scribit.
Epistole tue pro me respondeat totus ille liber quem olim De amore
composui. Scribo forsitan nimis pauca, quia in presentia nimis multa
cogito.
Salutavi amicos tuos, ut iubes; salutationes huiusmodi non satis
admittunt: salvere malunt presentia tua quam tuo nomine salutari.
Vale.

XVI Aprilis 1474, Florentie.

pagina successiva »

p. 181