Ficino, Marsilio

Epistolarum Familiarum Liber I

V
Non est ad religionem quilibet admittendus

Marsilius Ficinus Leonardo Perusino theologo salutem.

Discipulus noster nimio Musarum amore ac studio superiore autunno
in melancolie morbum incidit. Itaque asserebat se phantasmata nigra die
noctuque videre ac metu inferorum extremo torqueri. Addebat alia multa,
qualia forte audisti antea contigisse, unde animi anxietate compulsus se
ad divi Marci religiosos contulit dixitque se velle eorum ritu servire Deo.
Quoniam vero pollicitus est hereditaria ipsius bona illis largiri, avari homi-
nes eum citius quam decuit irretire volentes melancolicum adolescentem
religiosam vestem subito induerunt.
Similiter quotidie imprudentes et pravi religionum gubernatores delin-
quunt. Tam malum est delictum huiusmodi quam bora religio. Mea qui-
dem interest, cum sim sacerdos Petri sectator, religiosorum errata tibi
significare, tua vero, cum sis religiosorum illorum dux, ea corrigere, ne-
quid tale saltem posthac in tironibus temere initiandis contingat. Quod si
Brachmanes Pythagoricique in disciplinam suam humanam neminem pror-
sus nisi biennio examinatum probatumque admittebant, cur ad divinam di-
sciplinam tam temere quilibet admittuntur? Ob hoc ipsum religio multis
contemptui est, quod cum quilibet absque delectu excipiantur, ingens in
religione numerus est hominum partim iniquorum partim ignavorum at-
que dementium. Deus autem pretiosissima ab hominibus exigit.

pagina successiva »

p. 251