Ficino, Marsilio

Epistolarum Familiarum Liber I

10
Solitarie vite utilitas

Marsilius Ficinus Gregorio Epiphanio sacerdoti, conphilosopho suo,
s. d.

Deus unitas stabilis est et status unicus. Hec a Platonicis nostris,
ut te non latet, subtiliter disputantur. Quisquis igitur Deum assequi
vult, multitudinem pro viribus motumque devitet. Secedamus ergo,
mi Gregori, in unicam stabilemque mentis speculam; illucescet nobis
illic protinus, ut Plato inquit, invisibile lumen.
Verum, ut commodius hoc his temporibus efficere continuareque
valeamus, statui tempus aliquod Montem Vechium illum mihi a ma-
gno Cosmo donatum colere. Illic tu mecum eris. Audisti prover-
bium illud,

nullius boni possessionem absque socio iocundam esse;
ego autem nescio quem socium illic his temporibus iocundiorem
te possim habere.
Vale et ad nos vola.

pagina successiva »

p. 33