Ficino, Marsilio

Epistolarum Familiarum Liber I

12
De laude Platonicorum interpretum

Marsilius Ficinus Florentinus Bessarioni Greco cardinali Sabino s. d.

Plato noster, venerande pater, cum in Phedro, ut te non latet,
subtiliter et copiose de pulchritudine disputasset, pulchritudinem animi
a Deo, quam sapientiam et aurum appellavit pretiosissimum, postula-
vit. Aurum hoc Platoni a Deo tributum, Platonico in sinu utpote
mundissimo fulgebat clarissime; verbis autem et litteris licet lucu-
lentissimis, mente tamen obscurioribus involutum, evasit obscurius,
et quasi terreno quodam ambitu obsitum eos homines latuit, qui
Linceos oculos non habebant. Quamobrem nonnulli quondam minu-
tiores philodoxi exteriori gleba decepti, cum non possent ad intima
penetrare, latentem thesaurum contemnebant. Verum in Plotini pri-
mum, Porphyrii deinde et Iamblici ac denique Proculi officinam
aurum illud iniectum, exquisitissimo ignis examine excussis arenis
enituit usque adeo, ut omnem orbem miro splendore repleverit. Tan-

pagina successiva »

p. 35