Ficino, Marsilio
Epistolarum Familiarum Liber I
17
Laus opificis non a verbis sed ab opere
Marsilius Ficinus Laurentio et Iuliano Medicibus s. d.
Accipite leto animo, Medices, Naldi Florentini poema et Bene-
dicti Coluccii Pistoriensis Declamationes: alter est Phebi delitie, alter
Mercurii comes. Non libet eos parce laudare, cum videantur supra
modum esse laudandi; non licet eos mihi laudare multum, ne lauda-
tores laudando meos, me ipsum extollere videar. Tacebo igitur ego
horum pictorum virtutes; inspicite ipsi tabulas diligenter: picture
loquentur. Cum loquitur pictor, loquitur male; cum pictura loqui-
tur, bene loquitur. Vanus est opifex qui ab alio magis quam ab ipso
opere expectat honorem: non pendet operis virtus ex iudice, sed opus
iudici commendat artificem.
Valete.
pagina successiva »
p. 41