Ficino, Marsilio

Epistolarum Familiarum Liber I

19
De sapiente et felice viro

Marsilius Ficinus Antonio Seraphico conphilosopho suo Miniatensi
s. d.

Sapientem virum felicemque eum puto, qui, cum ex solo pendeat
Deo, in mediis calamitatibus vivit letus, quem nec metus exanimat
nec dolor excruciat, neque voluptas corrumpit neque libido inflammat,
qui inter densissimas spinas molles speciososque flores legit, qui ex
stercore margaritas eruit atque effodit, qui in profundis videt tene-
bris, qui compedibus gravatus et vinculis circunstrictus veluti liber
solutusque percurrit, quem denique spiritus celestis afflaverit.
Imitare igitur, ut cepisti, Pythagoram et Socratem et Platonem,
qui non minus agendo quam disputando invita etiam fortuna philoso-
phabantur: philosophiam, quam multi lingua, ipsi pectore toto cole-
bant. Frustra sapit, Seraphice, qui non sibi ipse sapit.
Vale et in tuis moribus persevera.

pagina successiva »

p. 43