Picatrix

Mars ex metallis habet es rubeum et omnes maneries sulfuris et habet
partem in vitro, et ex lapidibus habet premonada et lapidem sanguinis et
partem habet in alaquech et in aliaza necnon et in omnibus lapidibus rubeis et
maculis guttatis.
Sol ex metallis habet vitrum Egipti et azernec, et habet ex lapidibus albezedi
et diamantem et conchas rubeas et omnes lapides lucentes et claros et partem in
sedina et in azumbedich et rubino et in balasso et in marchasita aurea.
Venus ex metallis habet es rubeum et partem in argento et vitro, et ex
lapidibus azurum et corallum et dehenech et habet partem in almehe et in
almagnicie.
Mercurius ex metallis habet argentum vivum et partem in stanno et vitro, et
ex lapidibus habet smaragdum cum omnibus suis speciebus et habet partem in
azumbedich.
Luna ex metallis habet argentum, et ex lapidibus marchasitam argenteam
et aliofar minutum et partem habet in cristallo et azuro et in aliaza et in almehe.
He sunt figure septem planetarum:

Saturni	Iovis	Martis	Solis	Veneris	Mercurii	Lune
						.

He sunt figure planetarum quemadmodum translatas invenimus in
Lapidario Mercurii et in libro Beylus et in Libro spirituum et ymaginum quem
transtulit sapiens Picatrix.
Forma Saturni secundum opinionem sapientis Picatricis est forma hominis
corvinum vultum et cameli pedes habentis et super cathedram sedentis, in
dextra manu hastam habentis, in sinistra vero lanceam vel dardum tenentis. Et
hec est eius forma.
Forma Saturni secundum opinionem sapientis Beylus

est forma hominis
senis super altam cathedram sedentis erecti. Et hec est eius forma.
Forma Saturni secundum opinionem sapientis Mercurii est forma hominis
erecti, suas manus supra caput ipsius erigentis et in eis piscem tenentis et infra
eius pedes similem unius lagari[i] (id est racani) habentis. Et hec est eius
forma.
Forma Saturni secundum opinionem aliorum sapientum est forma hominis
super draconem erecti, in dextra manu falcem tenentis, in sinistra vero hastam
habentis, et nigris pannis et pardis induti. Et hec est eius forma.
Forma Iovis secundum opinionem Beylus

est forma hominis super aquilam
sedentis et in uno panno involuti, et pedes supra lumbos aquile, et caput panni
in quo involvitur sua dextra tenentis. Et hec est eius forma.

pagina successiva »

p. 65