Picatrix

Forma Veneris secundum opinionem sapientis Picatricis est forma mulieris
tenentis in eius dextra manu malum et in sinistra pectinem similem tabule et
istis figuris scriptum: ΟΛΟΙΟΛ. Et hec est eius forma.
Forma Veneris secundum opinionem sapientis Mercurii est forma habens
corpus hominis et vultum et caput avis, pedes vero aquile. Et hec est eius
forma.
Forma Veneris secundum opinionem Ptolomei est forma mulieris nude et
ante eius collum formam Martis cum una cathena habentis. Et hec est eius
forma.
Forma Veneris secundum opinionem aliorum sapientum est forma mulieris
cum capillis expansis et supra cervum equitantis, et in eius manu dextra
malum habentis, in sinistra vero flores; et eius vestes ex coloribus albe. Et hec
est eius forma.
Forma Mercurii secundum opinionem sapientis Beylus

est forma iuvenis
barbati et in manu dardum tenentis. Et hec est eius forma.
Forma Mercurii secundum opinionem sapientis Mercurii est forma
hominis in eius capite gallum habentis, et supra cathedram erecti; et eius pedes
similes pedibus aquile; et in palma sinistre manus ignem habentis, et sub
pedibus signa que inferius dicentur. Et hec est eius forma.
Forma Mercurii secundum opinionem Picatricis est forma hominis erecti,
et in dextro eius latere alas extensas habentis, et in sinistro gallum parvum
tenentis, et in manu dextra dardum, in sinistra vero concham rotundam
tenentis, et in capite medio cristam galli. Et hec est eius forma.
Forma Mercurii secundum opinionem aliorum sapientum est forma
baronis coronati, equitantis supra pavonem, in eius dextra calamum, in
sinistra vero cartam habentis; et eius vestes sunt omnium colorum mixte. Et
hec est eius forma.
Forma Lune secundum opinionem Mercurii est forma mulieris formosum
vultum habentis, cincte dracone, et cornua in capite habentis duobus colubris
circumvoluta, et super eius caput duos colubros et in quolibet brachio unum
colubrum circumvolutum, et super eius caput unum draconem et alium
draconem sub eius pedibus; et quilibet istorum draconum septem habet
capita. Et hec est eius forma.
Forma Lune secundum opinionem Beylus

est forma mulieris supra duos
tauros erecte, quorum caput unius sit iuxta caudam alterius. Et hec est eius
forma.
Forma Lune secundum opinionem sapientis Picatricis est forma hominis
supra caput avem habentis, et supra baculum se sustentantis, et ante se
arborem habentis. Et hec est eius forma.

pagina successiva »

p. 67