Picatrix

ascendente, Iove in ea existente, in lapide qui dicitur [...] qui facit leviter
parere. Et si lapidem hunc venator avium secum portaverit, aves circa eum
congregabuntur, et capiet ex eis quantum voluerit. Amabitur eciam ab
hominibus et bene recipietur. Et hic lapis quem diximus trahit ad rubeum in
eius colore; et quando manibus agitatur intus eum sonat alius lapis; et quando
politur aqua alba exit ab eo. Et si hunc lapidem supra mulierem posueris,
numquam concipiet quousque supra eam steterit.
Et dixit Hermes: qui in hoc lapide ymaginem vulpis fecerit in die et hora
Veneris, ascendente Pisce; et Iupiter in eo; et Luna eundem aspiciente — qui
ymaginem hanc tenuerit timebitur ab hominibus et a diabolis.

Et qui in hoc lapide fecerit formam gruis in hora Iovis, ipso in sua
exaltacione existente — qui hanc ymaginem in aliquo liquore lavaverit
ipsumque in potu alicui dederit videbit spiritus, et ex eis quod voluerit
operabitur. Et has duas virtutes dixit Hermes.
Ymago Martis ut facias quod volueris tam in bono quam in malo. Facias ex
formis Martis formam hominis supra leonem equitantis et in eius dextra
nudum ensem tenentis et in sinistra caput hominis gestantis in hora Martis,
secunda facie Arietis ascendente et Marte in ea existente, in lapide diamantis.
Qui hunc lapidem gestaverit, tam in bono quam in malo potens erit, sed
potencior in malo.
Et si volueris ut ex tuo aspectu timeatur vel terreatur, ex forma Martis facias
formam hominis erecti et lorica induti, duos enses tenentis, unum scilicet
iacentem supra collum et alterum nudum in eius dextra, et in sinistra caput
hominis, in hora Martis in sua domo existentis, in aliquo ex lapidibus Martis.
Et quicumque lapidem portaverit, omnes eum videntes timebunt, et nullus
accedet ad eum.
Ad sanguinem restringendum ex quocumque loco volueris. Facias ex
operibus Martis formam leonis et ante se istas figuras sive signa:

,
et hoc in hora Martis, secunda facie Scorpionis ascendente; et predicta facias in
aliaza. Qui hanc ymaginem secum portaverit cui sanguis ex aliquo corporis
loco decurrerit statim restringetur.
Ymago Solis. Si volueris ut rex omnes alios reges superet et vincat, facias
ex formis Solis formam regis supra cathedram sedentis, et in sui capite
coronam habentis et corvum ante se et infra eius pedes istas figuras:

in lapide rubini vel balassi, Sole existente in sua exaltacione. Rex
autem qui hunc lapidem portaverit omnes alios reges vincet eidem oppositos.

pagina successiva »

p. 69