Picatrix

Tercia est Solis, in qua quidem facies ymaginem ad amorem et graciam
regum et superiorum acquirendum.
Prima facies Capricorni est Saturni, in qua quidem facies ymaginem
propter venacionem avium et bestiarum et ut lac armentorum crescat et
augeatur.
Secunda facies est Veneris, et in ea facies ymaginem ad augendum lac
caprarum et meliorandum apes et eas multiplicandum in locis suis et ad
provocandum aves in locum quem volueris.
Tercia facies est Mercurii, in qua quidem facies ymaginem ad damnandum
omnia in precedenti facie contenta.
Prima facies Aquarii est Saturni, in qua quidem facies ymaginem ad
amorem et amiciciam et ad sociandum senes et maiores et servientes et ad
inveniendum et capiendum thesauros.
Secunda facies est Mercurii, et in ea facies ymaginem ad amorem et
societatem puerorum.
Tercia est Veneris, in qua quidem facies ymaginem ad amiciciam et
benevolenciam mulierum.
Prima facies Piscium est Iovis, in qua quidem facies ymaginem ad
piscandum in mari et in ipso bona itinera habendum.
Secunda est Lune, et in ea facies ymaginem ad beneficiendum arbores et
fructus et ad pluvias tempore necessitatis provocandas et ad pisces in quo
volueris loco tam fluvii quam maris congregandos.
Tercia est Martis, in qua quidem facies ymaginem ad habendum bona
itinera in actibus militaribus et in venacione avium et bestiarum.
Et has facies supradictas Indi adorugen vocant.
Hermes autem Trismegistus

dixit in libro De ymaginibus ad calculum ubi
posuit ymagines omnes et singulas appropriatas cuilibet membro corporis
humani et sub signorum faciebus constructas: recipe aurum purum et fac
sigillum, in quo scribas figuram leonis, Sole existente in Leone in prima facie
vel secunda et in angulo orientis vel meridie, et Luna non existente in eius
domo, et domino ascendentis non aspiciente Saturnum vel Martem aut
recedente ab eo. Et hoc sigillum ligetur in lumbari vel circa renes. Expertus
sum quod qui tenuerit eum postea numquam passus est. Vidi eciam quendam
medicum sigillantem cum sigillo illo olibanum tamquam ceram; et illud
sigillatum dabat in potu pacienci, et statim liberabatur. Ego enim feci sigillari
trociscos de sanguine hirci secundum doctrinam istam factos, et operabantur
miraculose. Hoc idem fit in aliis passionibus membrorum secundum modum
et formam et ad equacionem planetarum.
Aries. Forma eius est erecta sine lingua. Et proprietates eius sunt ad omnes
infirmitates capitis. Tamen qui natus fuerit Sole existente in primo vel tercio
vel quinto gradu Arietis, non prodest ei hec figura nisi fiat in augmento Lune

pagina successiva »

p. 82