Campanella, Tommaso

De cerimonialibus Iesu Christo observatis

Iesu. Itaque Beda

Hyeron.

ibi contestantur, sed resp<ondent>
moderni ibi non declarari formam sacram, sed quod Ioannes baptizando
docuerit eos, ut crederent in Christum futurum. Sed haec ratio contradicit
ipsorum rationi. Probant nam paulo ante, quod non usus sit nomine
venturi Ioannes in baptismo propter hoc, quod nequaquam interrogatus
fuisset, an esset Christus, si in venturi Christi nomine baptizasset. Quae
ratio nulla est contra nos, sed contra ipsum qui formavit eam. Nobis nam
facile est dicere, quod baptizabat nomine venturi ad manifestationem, et
propterea quaesiverunt Pharisei <sic!> ut declararet an ipsemet sit ille
venturus, id est manifestandus. Nam et ipse, et Christus iam venerant, sed
nondum fecerunt quae de Messia scripta erant, et expectabantur. Praeterea
expositio formae verborum Pauli, non est sufficiens. Etenim et si
vere docebat Ioannes ut crederent in venturum, non propterea illa
doctrina in nomine venturi adhiberi non poterat ut forma baptismi paeni-
tentiae vocati ad remissionem peccatorum, quae spectabat ad Christum ad
quem per baptismum Ioannis cathechizabantur, ut patres monent et cum
ait <sic!> quod forma datur ad maiorem expressionem gratiae, etiam nos
dicimus. Sed Ioannes exprimebat authorem gratiae et ad eum remittebat
homines per suum baptismum. Ad aliud dicimus quod Christum non
baptizavit in nomine venturi sed patris dicens in nomine tuo vel sicut tu
vis. Accepitque Christus ut homo non Spiritum quem habebat, sed mani-
festationem in forma columbae et patris voce et sua appellatione totius
Trinitatis, ut scirent homines ipsum esse filium Dei baptizaturum in
Spiritum. Propterea dixit Ioannes

ego veni baptizare, ut ipse manifestaretur
in Israel. Causam agentem huius baptismi fuisse Deum principaliter iam
diximus quo ad ritum, sed quo ad effectum fuit homo, quoniam non
conferebat gratiam quam solus Deus dat ex opere operato. Instrumentalis
vero solus Ioannes quoniam institutus erat ad Christum manifestandum,
ergo peracto hoc munere in Christi <sic!> baptizare cessavit, neque nam
discipuli Ioannis, cum non erant ipsi praecursores, et a praecursore ad
Christum mittendi essent, baptizaverunt. Unde Baptista ait:

qui me misit
baptizare, ille mihi dixit haec autem missio et dictio non est facta nisi
Ioanni, quod et Lucas expressius dixit:

factum est verbum domini super

pagina successiva »

p. 88