Campanella, Tommaso

De cerimonialibus Iesu Christo observatis

facta est non ex virtute illius baptismi, ut baptismus erat, sed ut occasio
manifestandi Christum. Nec Ioannes baptizabat in nomine Trinitatis
expraesse, nec Ioannes habuit forsan intentionem baptizandi baptismo
Christi, sed eo quo caeteros baptizabat ut manifestaretur Christus; neque
oportet ut cui incorporamur ut capiti, ille membri figuram caracteremque
suscipiat nec peccator declarari debuit qui venit peccata nostra tollere.

Convenientissimum fuisse Christum Ioannis baptismo
baptizari. Art. 3.

Conveniens tamen fuit ut baptismo Ioannis lavaretur ne cum novum
baptismum esset institututum, videretur baptismo Ioannis detrahere. Item
ut Ioannis testimonium roboraretur de se praedicantis. Item quoniam ait
Ioannes:

ego veni baptizans ut ipse manifestaretur ad Israel. Omnis nam
regio confulgebat <sic!> ad Ioannis baptismum, et audiebant, quoniam:

venit Rex Regni Caelorum qui baptizat in Spiritu, et hoc illi signum
quoniam:

super quem videris Spiritum descendentem et manentem hic est
qui baptizat in Spiritu. Idcirco Christus accessit et coram multitudine
facta est vox de Caelo:

Hic est filius meus et Spiritus descendit sicut
columba in ipsum, et sic authorizatus Caelitus in Ioannis ministerio, caepit
praedicare Evangelium Regni et novum baptismum in Spiritu Sancto. Item
docuit sepelliri cum eo, ait Naz.

, veterem Adam vestrum nosque ita
facere suo exemplo docuit. Nam emergentes ex aqua Spiritus accipiet et
pater nos Christo corporatos adaptatosque, et tandem suo contactu aquas
sanctificavit ut valeret nostris abstergendis criminibus. Non quidem quali-
tatem illis imprimendo novam phisice sed mentaliter huic muneri eas
deputando, omnes autem aquas vel per subterraneas vias, cum Iordane
communicare in phisicis docemur, putatur etiam ut se Demoni
occultaret, inter peccatores a servo baptizari voluisse. Utque simul humili-
tatem doceret. Unde Ioanni expavescenti ac dicenti:

ego a te debeo bapti-
zari et tu venis ad me? respondit:

sine modo. Sic docet nos implere
omnem iustitiam, id est omnem virtutem fuitque praedicatoribus exemplo
ut antequam hanc provinciam aggrediantur, laventur a culpis, incorpo-

pagina successiva »

p. 98