Poliziano, Angelo

Angeli Politiani in Georgica Vergilii commentarium

<389>

Ne maculis infuscet vellera pullis.
Idest nigris, unde et 'pullam vestem' dicimus. Horatius:

Suamque pulla ficus ornat arborem.
Porphyrio.
<391> Lanae. Ex Macrobio:

Valerius Pro-
bus notat se nescire hanc fabulam quo referat auctore. Sed
Nicander est auctor, quem Didymus

fabulosum vocat. Quod
sciens Virgilius adiecit:

si credere dignum est.
Adeo se usum fabuloso auctore fatetur.
<392> Pan. Valerius Probus: «

Pan, Mercurii
filius, cum Lunam concupisset et haberet optimum pecus, et
poscente ea partem pecoris pro concubitu dicitur pollicitus,
et duas partes fecisse gregis, quarum alteram candidiorem, sed
lanae crassioris: Lunam deceptam candore deterius pecus ab-
duxisse poeta significat».
<394> Cytisum. Valerius Probus: «

Quidam
interpretantur lupini florem, quidam ibiscum».
Varro: «

At maxime amicum cytisum et
medica. Nam et pingues facit facillime et generat lac».
<397> Referunt. Columella:

Et satureia thymi referens thymbraeque saporem.
<404> Canum. «

Canum enim», ut Varro
ait, «

duo genera, unum venaticum et pertinet ad feras ac sil-
vestres, alterum quod custodiae causa paratur et pertinet ad
pastorem». Idem ait: «

Item videndum ut boni seminis sint.
Itaque a regionibus appellantur Lacones, Epirotici, Salaman-
tini».

pagina successiva »

p. 179