Istituto Nazionale di Studi sul Rinascimento · SIGNUM
κοιλότητος φαντασίαν παρέχειν· οὕτω γὰρ καὶ ζωγράφοι, ὅσα μὲν βού-
λονται προσεχῆ δεικνύναι, τῷ λευκῷ ἀπογράφονται, ὅσα δὲ κοῖλα καὶ
ἐν βάθει τῷ μέλανι.
Τοῦτο συμβαίνει πάλιν ἐκ τῆς τοῦ ἀέρος δυσκρασίας· ὥσπερ καὶ ἐπὶ
τῶν ὀφθαλμῶν, ὅτε συμβαίνει κοιλαίνεσθαι τοὺς ὀφθαλμούς, δη-
λονότι ἐξασθενήσαντος τοῦ πῶματος, ἢ ὥσπερ ὅταν βλέφαρον κατα-
γόντες ἢ περιθλίψαντες τῷ λύχνῳ τὴν ὄψιν προσβάλλωμεν, οὐ φαί-
νεται συνεχὲς τὸ φῶς, ἀλλὰ πλάγιαι καὶ σποράδες αἱ αὐγαί, οὕτως,
ὅταν ἀχλὺς ἢ νέφωσις ἀνώμαλος πρὸ τοῦ ἡλίου στᾶσα περιθλίψῃ τὸν
τῆς ὄψεως κῶνον εἰς λεπτὰς ἀκτῖνας καὶ ῥαβδοειδεῖς ποιεῖ τὸν ἥλιον
φαίνεσθαι καὶ ὃ πάσχομεν αὐτοὶ τῃ αἰσθήσει, τοῦτο ρερὶ τὸν ἥλιον
εἶναι δοκοῦμεν.
Ἑσπερίοις καὶ μᾶλλον ἐπίτρεπε σήμασι τούτοις·
ἑσπερόθεν γὰρ ὁμῶς σημαίνετον ἐμμενὲς αἰεί.
Τὰ γὰρ ἐν τῇ ἀνατολῇ τοῦ ἡλίου γινόμενα εὐθέως διαλύεται καὶ πολλάκις
οὐδὲ πάνυ τὴν κατάληψιν δέχεται. Τὰ δ' ἐν τῇ δύσει ἀληθῆ, ἐπεί φαμεν
ἐνταῦθα τὸν ἀέρα ἐπὶ πλεῖον συνῆχθαι κατακρατηθέντα τῃ ἀναθυμιάσει.
Διὸ καὶ παχύτερον εἶναι λέγομεν τὸν νότιον ἀέρα.
καὶ εἴ ποτε χείματος ὥρῃ
ὠχρήσῃ κατιών.
indice 
cerca 
citazioni 
edizioni 
confronta testi