Poliziano, Angelo

Angeli Politiani in Georgica Vergilii commentarium

τούτῳ πυροῦ τὸν τρίμηνον ἐν τοῖς ὑποξήροις φύεσθαι βέλτιον, ἀνοστό-
τερον ὄντα καὶ τροφῆς ἐλάττονος δεόμενον· διὸ καὶ συντελεῖται τάχιον.
<204> Putre. Columella libro II: «

De
siccaneis et riguis non comperimus, utra numero vincant,
cum utrimque pene infinita sunt, quae siccis quaeque humidis
locis gaudent; sed ex his nihil non melius resoluta humo quam
densa provenit. Quod noster quoque Virgilius cum et alias
fecundi arvi laudes rettulisset, adiecit:

et cui putre solum, namque hoc imitamur arando.
Neque enim aliud est colere, quam resolvere et fermentare ter-
ram; ideoque maximos quaestus ager praebet idem pinguis ac
putris, quia cum plurimum reddat, minimum poscit, et quod
postulat exiguo labore atque impensa conficitur. Praestantis-
simum igitur tale solum iure dicatur».
Imitamur. Columella libro 6, cum de cul-
tura provincialium vinearum agat: «

Omnium autem satio-
num fere eadem est conditio. Nam vel scrobe vel sulco semina
deponuntur, quoniam pastinationis expertes sunt exterarum
gentium agricolae: quae tamen ipsa pene supervacua est his
locis quibus solum putre et per se resolutum est:

namque hoc
imitamur arando, ut ait Virgilius, id est etiam pastinando».
<209> Sallustius: «

Tantum antiquitatis maio-
ribus pro Italica gente fuit». Citat Servius hoc et exponit
'caras'.
<212>

Nam ieiuna quidem clivosi glarea ruris.
Hanc puto esse quam Cato

cariosam terram vetat
arari.
<213> Roremque. Columella libro X:
«

Tertiae notae, sed adhuc generosae, marinus ros et no-
stras cunela, quam dixi satureiam».

pagina successiva »

p. 114