Poliziano, Angelo

Angeli Politiani in Georgica Vergilii commentarium

sensu amaro torquebit'. Sic itaque a Virgilio relictum et Hi-
ginium asseverare scribit Gellius, et ipsa Lucretii auctoritate
confirmat, cuius auctoritatem non sit Virgilius aspernatus. Lu-
cretii versus hii sunt in 4°:

dilutaque contra
cum nitimur miscere absynthia, tangit amaror.
Non verba autem sola, sed versus prope totos et locos quoque
plurimos Lucretii sectatum esse Virgilium videmus.
Lucretius in II:

foedo pertorquent ora sapore.
<250> Picis. Columella libro 2°: «

Itaque
considerandum est, ut solum quod excolere destinamus, pin-
gue sit. Per se tamen id parum est, si dulcedine caret; quod
utrumque satis expedita ratione nobis contigit discere. Nam
per exigua conspargitur aqua gleba manuque subigitur, ac si
glutinosa est, quamvis lenissimo tactu pressa inhaerescit: et

picis in morem ad digitos lentescit habendo
ut ait Virgilius, eademque illisa humo non dissipatur, quae res
admonet non inesse tali materiae naturalem succum et pingue-
dinem».
<251>

Humida maiores herbas alit ipsaque iusto.
A. Gellius:

Cato in oratione De aedilibus vitio
creatis: «

Nunc ita aiunt in segetibus, in herbis bona frumenta
esse. Nolite ibi nimiam spem habere. Saepe audivi inter os et
offam multa intervenire posse; verum enim vero inter offam
atque herbam ibi longum intervallum est».
<256>

Et quisquis color at sceleratum exquirere fri-
gus. Sententia in re rustica est, ut tradit Palla-
dius libro primo: «

Color terrae non magnopere desideretur,
quia bonitatis incertus est auctor».

pagina successiva »

p. 117