Poliziano, Angelo

Angeli Politiani in Georgica Vergilii commentarium

<258>

Interdum aut hederae pandunt vestigia nigrae.
Varro De re rustica: «

An non Diophanes
Bythinius scribit signa sumi posse aut ex ipsa aut quae nascun-
tur ex eis?».
<260>

Excoquere et magnos scrobibus concedere montis.
Columella in 3: «

Scrobes ternarios, id est
quoque versus operum trium una opera facit».
<266>

Ante locum similem exquirunt ubi prima paretur.
«

Genera omnium surculorum praeclara, sed
terris tuis experta committe». Palladius libro primo.
<267>

Arboribus seges. Est arbustum.
Ferantur. Quod transferre dicunt.
<269>

Quin etiam caeli regionem in cortice signant.
Columella libro 3: «

Omnis arbusculas
prius quam transferantur rubrica notare convenit, ut quom
serentur, easdem caeli partis aspiciant, quas etiam in seminario
conspexerant: alioquin frigore vel calore laborabunt ab iis
partibus, quas contra consuetudinem sub alio appositas ha-
buerint».
<272> Multum. Quintilianus libro primo:
«

Protinus ergo, ne quid cuspide, ne quid improbe, ne quid
impotenter faciat, monendus est puer, habendumque in ani-
mo semper illud vergilianum

adeo in teneris assuescere multum est».
<273>

Collibus an plano melius sit ponere vites.
Varro De re rustica: «

Segetes meliores existimantur
esse campestres, vineae collinae, sylvae montanae».
<274>

Si pinguis agros metabere campi.
Idem: «

De formae cultura hoc dico, quae specie fiant venu-
stiora, sequi ut maiore quoque fructu sint, ut qui habent ar-
busta, si sata sunt in quincuncem, propter ordines atque inter-
valla modica. Itaque maiores nostri ex arvo aeque magno male

pagina successiva »

p. 118