Poliziano, Angelo

Angeli Politiani in Georgica Vergilii commentarium

Vinitor. Vinitor non qui vindemiam tan-
tum facit, sed qui quoquomodo vineam colit. Columella primo:
«

In turba et sub monitore vinitor opus facere debet». Idem:
«

Separandi sunt aratores a vinitoribus».
<418> Pulvisque. Columella libro XII:
«

Sed frigidioribus regionibus pulverationem faciunt, quam
vocant rustici occationem, cum omnis gleba in vineis refrin-
gitur et resolvitur in pulverem».
Idest 'pulverandum', quod est 'occandum'.
Movendus. Palladius in mense Martio:
«

Hoc mense novella vinea incipiat pulverari, quod nunc ac
deinceps per omnes Kl. usque ab Octob. faciendum est non
solum propter herbas, sed ne tenera adhuc semina solidata
terra constringat».
<420>

Contra non ulla est oleis cultura.
Columella libro sexto: «

Omnis tamen arboris fructus sic
simplicior quam vinearum est, longeque ex omnibus stirpi-
bus minorem impensam desiderat olea, quae prima omnium
arborum est. Nam quamvis non continuis annis, sed fere al-
tero quoque fructum afferat, eximia tamen eius ratio est, quod
levi cultu substinetur, et cum se non induit, vix ullam impen-
sam poscit. Sed et si quam recipit, subinde fructus multiplicat:
neglecta compluribus annis non ut vinea deficit, eoque ipso
tempore aliquid etiam interim patri familiae praestat, et cum
adhibita cultura est, uno anno emendatur».
Valerius Probus: «

'Eleam' graece dicunt
'olivam', ex qua premitur oleum quod 'eleon' vocatur.
'Eleos' dicitur misericordia quae quia contingit eis quibus
pax datur, olea pacis signum est».
<425> Nutritor. Quintilianus libro primo:
«

Quaedam verba appellationibus similia ut 'fraudator', 'nu-
tritor'». Notat et Priscianus hoc in 8

sicut illud:

pictis bellantur Amazones armis.

pagina successiva »

p. 135