Poliziano, Angelo

Angeli Politiani in Georgica Vergilii commentarium

<64> Pingue. Columella libro 2° De re rustica:
«

Pingues campi, qui diutius continent aquam, proscindendi
sunt anni tempore iam incalescente, cum omnis herbas edi-
derint, neque adhuc earum semina maturuerint; sed tam fre-
quentibus densisque sulcis arandi sunt, ut vix dinoscatur, in
utram partem vomis actus sit, quoniam sic omnes radices her-
barum perruptae necantur. Sed cum pluribus iterationibus sic
resolvatur vervactum in pulverem, ut vel nullam vel exiguam
desideret occationem cum seminabimus. Nam veteres Romani
dixerunt male subactum agrum, qui satis frugibus occandus
sit».
<65> Glaebasque. Plinius libro 18:
«

Terra in futurum proscinditur Virgilio maxime auctore ut
glebas sol coquat».
<67>

At si non fuerit. Columella in
2° De re rustica: «

Item graciles clivi non sunt aestate arandi,
sed circa septembres Kl., quoniam si ante hoc tempus proscin-
ditur, effeta et sine succo humus aestivo sole peruritur nullas-
que virium reliquias habet. Itaque optime inter Kl. et Idus
Septembris aratur ac subinde iteratur, ut primis pluviis aequi-
noctialibus conseri possit; neque in lira, sed sub sulco talis
ager seminandus est».
<68>

Arcturum tenui sat erit suspendere sulcum.
«

Arcturus est stella in cauda maioris Ursae, quam Graeci
Helicen vocant, quae latine Septentrio vocatur, dicta a cauda
et Ursa: 'Arctos' enim graece ursa dicitur, cauda 'ura'
cuius ortu hyems incipit».
Intellige exortum matutinum qui est sub
aequinoctium autumnalem.
Plinius libro 18, cap. 39 Arcturi exortum
vespertinum esse ait VII Kal. Martias.
Hesiodus:

pagina successiva »

p. 20