Poliziano, Angelo

Angeli Politiani in Georgica Vergilii commentarium

<140>

Non illas gravibus quisque iuga ducere plau-
stris. Varro: «

Cum conceperunt equae, vi-
dendum ne aut laborent plusculum aut ne frigidus sit locus,
quod algor maxime pregnantibus obest».
<143>

Saltibus in vacuis pascant et plena secundum.
Varro: «

Pascuntur armenta commodissime
in nemoribus, ubi virgulta et frons multa: hyeme cum hyber-
nant secundum mare, aestu abiguntur in montes frondosos».
<146> Lucos. Varro: «

Cavere oportet ne
aut angustius stent aut feriantur aut concurrant. Itaque quod
eas aestate tabani concitare solent et bestiolae quaedam mi-
nutae sub cauda alii, ne concitentur, solent includere saeptis».
<146>–149

Est lucos Silari circa ilicibusque virentem
plurimus Alburnum volitans, quoi nomen asilo Romanum
est, oestrum Graii vertere vocantes. Val.
Probus: «

Silarus flumen est Lucaniae, portus Alburnus et
eiusdem nominis mons ad sextum a primis tabernis. Mentio-
nem facit Lucilius hoc versu:

Quattuor hinc Silari ad flumen, portumque Alburnum.
Asilus genus est tabani adeo acre, ut soleat armenta bucera
inquietare: vocatur graece oestros. Meminit autem historiae
hoc loco Vergilius eius, quam Ovidius in primo Metamorpho-
seos

exposuit piane, referens Inachi filiam Io, compres-
sam a Iove, mutatam in vaccam, actam esse per orbem terra-
rum oestro, donec ad flumen Nilum venit, ibi mitigata Iunone
finitus est eius labor, quam Inachiam dicit Vergilius».
Seneca ad Lucilium in epistola <libro 7.
Epistolarum, in epistola 9, 63>: «

Hunc quem Grai oestron vo-
cant, pecora peragentem et totis saltibus dissipantem, 'asi-
lum' nostri vocabant. Hoc Virgilio licet credas:

Est lucos etc.

pagina successiva »

p. 161