Thyrsi »
Pomponazzi, Pietro De fato - p. 100
Pomponazzi, Pietro
De fato
Ut existimo Alexander ad rationem sic responderet. Et haec
de primo.
II. Quantum ad secundum, dico quod sermo iste Ale-
xandri
non videtur esse sanus, immo per totum corruptus et
peripateticis ipsis adversari.
Quod itaque primo dicit: Casualia et fortuita non con-
tineri
sub Dei ordine et providentia, istud videtur incredibile
si Deum ponimus cunctaque gubernantem. Si nanque homo
ista cognoscit et scit quomodo fiant, quanto magis Deus!
Unde Aristoteles in I De Anima habet pro inconvenienti
nos scire discordiam et Deum ipsam ignorare.
Quare Augu-
stinus octavis capitulis XVI et
XXI De Civitate Dei derisit
eos qui negant ista habere finem et non esse a Deo facta.
Quodque dicebatur talia non habere causas, certe istud
videtur inintelligibile quod sint effectus et non habeant cau-
sas. Unde si non
habent causas neque sunt effectus;
relative enim dicuntur causa et effectus. Quod si neque sunt
causa neque effectus, nihil sunt. Quod autem dicebatur
habere causas per accidens, veluti sunt et effectus per
acci-
dens, certe firma
ratione, ni fallor, superius ostensum est
quod nihil est adeo per accidens quod non sit et per se,
et in ordine ad aliquod non habeat causam per se. Nam
veluti supra ostensum est, naturales res defectibiles sunt
aliquando, unde ex quo tales sunt, natura ne incassum talem
potentiam dedisset, ex intentione apposuit impedimenta;
utrumque ergo intendit. Quomodo igitur respectu naturae
sic intendentis potest in universum esse praeter intentio-
nem? Non sunt etiam
absque fine. Dicuntur nanque
pagina successiva »
p. 100