Hyginus

Poeticon Astronomicon [1535]

Piscis qui Notius appellatur

Hic videtur ore aquam excipere a signo Aquario. Qui laborantem quondam Isim ser-
vasse existimatur: pro quo benefìcio simulacrum Piscis et eius filiorum, de quibus
ante diximus, inter astra constituit. Itaque Syri complures Pisces non esitant et eorum simu-
lachra aurata pro diis Penatibus colunt. De hoc et Hegesias scribit.

De quinque stellis

Reliquum est nobis dicere de Stellis quinque, quas complures ut erraticas, ita planetas
Graeci vagos dixerunt. Quarum una est Iovis, nomine Phaenon, quem He-
raclides Ponticus ait, quo tempore Prometheus homines finxerit, hunc pul-
chritudine corporis reliquis praestantem fecisse, cumque supprimere cogitaret
ut ceteros redderet et Cupidinem Iovi nuntiasse. Quo facto missum Mercurium ad Phae-
nonta

persuasisse ut ad Iovem veniret et immortalis fieret. Itaque eum inter astra colloca-
tum. Secunda Stella dicitur Solis, quam alii Saturni dixerunt. Hanc Eratosthenes a So-
lis fìlio Phaetontem appellatam dicit. De quo plures scripserunt ut patris inscienter curru
vectus, incenderet Terras, quo facto ab Iove fulmine percussus, in Eridanum deiectus a So-
le inter sidera sit perlatus. Tertia est Stella Martis, quam alii Herculis dixerunt, Veneris se-
quens Stellam hac, ut Eratosthenes ait, de causa: quod Vulcanus cum uxorem Venerem du-
xisset et propter eius observantiam Marti copia non fieret, ut nihil aliud assequi vide-
retur, nisi suam Stellam Veneris sidus persequi a Venere impetravit. Itaque cum vehemen-
ter amor eum incenderet, id significans e facto Stellam Pyroenta appellavit. Quarta
Stella est Veneris, Lucifer nomine; quam nonnulli Iunonis esse dixerunt. Hunc eundem
Hesperum appellari, multis traditum est historiis. Hic autem omnium siderum maxi-
mus esse videtur. Nonnulli hunc Aurorae et Cephali filium dixerunt, pulchri-
tudine multis praestantem. Ex qua re etiam cum Venere dicitur certasse, ut etiam Eratosthe-
nes dicit eum hac de causa Veneris appellari, exoriente Sole et occidente videri. Quare, ut
ante diximus, iure hunc et Luciferum et Hesperum nominatum. Quinta Stella est Mer-
curii, nomine Stilbon. Sed hac est brevis et clara. Haec autem Mercurio data existimatur,
quod primus menses instituerit et perviderit siderum cursus. Evhemerus autem primam
ait Venerem astra constituisse et Mercurio demonstrasse.

Circulus Lacteus

Praeterea ostenditur Circulus
quidam in sideribus, candido
colore, quem Lacteum esse nonnul-
li dixerunt. Eratosthenes

autem
in Mercurio dicit infanti puero insciam Iu-
nonem dedisse lac; sed postquam rescierit eum
Maiae filium esse, reiecisse eum a se; ita la-
ctis profusi splendorem inter sidera appa-
rere. Alii dixerunt dormienti Iunoni Hercu-
lem suppositum, et experrectam id quod supra
diximus fecisse; alii autem Herculem propter nimiam aviditatem multitudinem lactis appe-
tisse neque in ore continere potuisse; quod ex ore eius profusum Circulum significasse. Alii di-
cunt, quo tempore Ops Saturno lapidem pro partu attuli iussisse ei lac praebere. Quae cum
pressisset mammam, profuso lacte Circulum deformatum, quem supra demonstravimus.
Nos autem omnium corporum deformationem dicere instituimus.

pagina successiva »

p. 87