Hyginus
Poeticon Astronomicon [1535]
Engonasin
Hunc Erathostenes Herculem dicit, supra Draconem conlocatum, de quo an-
te diximus, eumque
paratum ut ad decertandum, sinistra manu pellem leo-
nis, dextra clavam
tenentem. Conatur interficere Draconem Hesperidum
qui numquam oculos opervisse somno coactus existimatur, quo magis
custos adpositus esse demonstratur. De hoc etiam Panyasis in Heraclea dicit. Horum
igitur pugnam Iuppiter admiratus, inter astra constituit. Habet enim Draco caput erectum,
Hercules autem dextro genu nixus, sinistro pede capitis eius dextram
partem opprime-
re conatur; dextra manu sublata ut feriens, sinistra proiecta
cum pelle leonis, ut is quam
maxime dimicans appareat. Et si sit qui negat hic (ut Aratus) quicquam
posse demon-
strari, tamen conabimur ut aliquid verisimile dicamus. Aratus autem, ut supra diximus,
hunc Cetea Licaonis fìlium, Megistus patrem, dicit esse. Qui videtur ut lamentans filiam
in Ursae figuram conversam, genu nixus palmas adversas tendere ad
Coelum, ut eam si-
bi dii restituant. Hegesianax
autem Thesea dixit esse, qui Troezene saxum extollere
vide-
tur, quod existimatur Aegaeus sub eo saxo Pelopium ensem posuisse, et Aethrae Thesei ma-
tri praedixisse ne ante eum Athenas mitteret quam, lapide sublato sua virtute, potuisset
gladium referre. Itaque niti videtur quam altissime potest ut extollat. Hac etiam de causa
nonnulli Lyram, quae proxima est ei signo collocata, Thesei esse dixerunt, quod ut erudi-
tus omnium
artium, Lyram quoque didicisse videbatur. Id quoque et Anacreon dicit:ἀγχῆ
Θήσεος ἔστο λύρη
. Alii dicunt Thamirim a Musis excaecatum, ut
supplicem ad genua iacen-
tem. Dicunt alii Orphea a
Thraciis mulieribus interfìci, quod viderit Liberi Patris
initia.
Aeschylus autem, in fabula quae inscribitur Prometheos Lyomenos; Herculem
ait esse, non
cum Dracone, sed cum Liguribus depugnantem.
Dicit enim, quo tempore Hercules a
Geryone boves abduxerit, iter fecisse per Ligurum
fines; quos conatos ab eo abducere pe-
cus, manus contulisse et quam plures
eorum sagittis confixisse. Sed postquam Herculi te-
la defecerint, multitudine barbarorum et inopia armorum defessum, se ingeniculasse,
mul-
tis iam vulneribus acceptis. Iovem autem
misertum filii curasse ut circa eum magna copia
lapidum esset; quibus se Herculem defendisse et hostes fugasse. Itaque Iovem similitu-
dinem pugnantis inter sidera
constituisse. Hunc etiam nonnulli Ixiona brachiis vinctis esse
dixerunt, quod vim Iunoni voluerit adferre; alii Promethea in monte Caucaso vinctum.
Lyra
Lyra autem inter astra constituta est hac, ut Eratosthenes ait, de causa, quod
initio a Mercurio facta de testudine, Orpheo est
tradita, qui, Caliopes et Oea-
gri filius, eius rei maxime studiosus fuit. Itaque existimatur suo artifìcio feras
etiam ad se audiendi causa allicuisse. Qui quaerens uxoris Euridices
mortem,
ad inferos descendisse existimatur, et ibi deorum progeniem suo carmine laudasse,
prae-
ter Liberum Patrem; hunc enim oblivione
ductus praetermisit, ut Oeneus in sacrifìcio
Dianam. Postea igitur Orpheus, ut etiam plures
dixerunt, in Olympo monte, qui Mace-
doniam dividit a Thracia, sed ut Eratosthenes ait, in Pangaeo sedens, cum cantu
delecta-
retur, dicitur ei Liber Bacchas obiecisse, quae corpus eius decerperent interfecti. Sed alii di-
cunt, quod initia Liberi sit speculatus, id ei accidisse. Musas
autem collecta membra sepul-
turae mandasse, et Lyram, quo maxime potuerunt benefìcio, illius memoriae causa figu-
ratam Stellis inter sidera constituisse Apollinis et Iovis voluntate, quod Orpheus Apollinem
maxime laudaret; Iuppiter vero filio benefìcium concessit. Alii autem
dicunt Mercurium,
cum primum Lyram fecisset in Cyllene monte Arcadiae, septem chordas instituisse ad Atlan-
tidum numero, quod Maia una ex illarum numero esset, quae
Mercurii est mater. Deinde
postea cum Apollinis boves abegisset, deprehensus ab eo, quo sibi
facilius ignosceret, petenti
Apollini ut liceret se dicere invenisse Lyram,
concessit, et ab eo virgulam quandam muneri ac-
cepit. Quam manu tenens
Mercurius, cum proficisceretur in Arcadiam et vidisset
duos dracones
inter se coniuncto corpore alium alium appetere, ut qui dimicare inter se viderentur, virgulam
inter
utrumque proiecit; itaque discesserunt. Quo facto, eam virgulam pacis causa dixit esse
constitutam.
pagina successiva »
p. 73