informazioni|progetto|link|home|

Hyginus

Poeticon Astronomicon [1535]

tur etiam a Vulcano falcem accepisse ex adamante factam, qua Medusam Gorgonam
interfecit; quod factum nemo conscripsit. Sed, ut ait Eschylus, tragoediarum scriptor, in
Phorcis, Graeae fuerunt Gorgonum custodes; de quo in primo libro Genealogiarum
scripsimus. Quae utraeque uno oculo usae existimantur, et ita suo quaeque tempore accepto
oculo vigilias egisse. Hunc Perseus, una earum tradente, exceptum in paludem Tritonida
proiecit. Itaque custodibus excaecatis, facile Gorgona somno consopitam interfecit. Cuius
caput Minerva in pectore dicitur habere conlocatum. Euhemerus quidem Gorgona a
Minerva dicit interfectam; de qua alio tempore plura dicemus.

Heniochus

Hunc nos Aurigam Latine dicimus, nomine Erichthonium, ut Eratosthenes
monstrat. Quem Iuppiter cum vidisset primum inter homines equos qua-
drigis iunxisse, admiratus est ingenium hominis ad Solis inventa acces-
sisse, quod is princeps quadrigis inter deos est usus. Sed Erichthonius et qua-
drigas, ut ante diximus, et sacrificium Minervae et templum in arce Athe-
niensium primus instituit. De cuius progenie Euripides ita dicit: Vulcanum Minervae
pulchritudine corporis inductum, petiisse ab ea ut sibi nuberet, neque impetrasse; et cepis-
se Minervam sese occultare in eodem loco qui propter Vulcani amorem Hephestius est
appellatus. Quo persecutum Vulcanum ferunt coepisse ei vim afferre, et cum plenus cupidi-
tatis ad eam ut complexui se applicaret ferretur, repulsus effudit in Terram voluptatem.
Quo Minerva, pudore permota, pede pulverem iniecit. Ex hoc autem nascitur Erichtho-
nius anguis, qui ex Terra et eorum dissensione nomen possedit. Eum dicitur Minerva
in cistella quadam ut mysteria contectum ad Erichthei fìlias detulisse et his dedisse servan-
dum; quibus interdixit ne cistulam aperirent. Sed ut hominum est natura cupida, ut eo ma-
gis appetant quo interdicatur saepius, virgines cistella aperuerunt et anguem viderunt.
Quo facto, insania a Minerva iniecta, de arce Atheniensium se praecipitaverunt. Anguis
autem ad Minervae clypeum confugit et ab ea est educatus. Alii autem Anguina tantum crura
habuisse Erichthonium dixerunt, eumque primo tempore adolescentiae ludos Minervae Pa-
nathenaea fecisse et ipsum quadrigis cucurrisse; pro quibus factis inter sidera dicitur col-
locatus. Nonnulli etiam, qui de sideribus scripserunt, hunc natione Argeum, Orsilochum nomi-
ne, prirmum quadrigarum inventorem esse dixerunt et pro inventione siderum locum pos-
sedisse. Alii autem hunc Mercuri filium ex Clytia natum, nomine Myrtilum, Oenomai au-
rigam defìnierunt, cuius post notam omnibus mortem parens corpus in Mundo consti-
tuisse existimatur. Huius in humero sinistro capra instare et in manu sinistra hoedi vi-
dentur formati; de quibus non nulli ita dicunt: Olenum quemdam fuisse nomine, Vulcani
fìlium; ex hoc duas nymphas Aega et Aelicen natas, quae Iovis fuerunt nutrices. Alii autem
ab hiis etiam urbes quasdam appellari dixerunt, et Olenon in Aulide, Aelicen autem in Pelopo-
neso et Aegam in Aemonia nominari, de quibus Homerus in Iliadis secundo dicit.
Parmeniseus autem ait Melissea quemdam fuisse Cretae regem; ad eius filias Iovem nutriendum
esse delatum. Quae quod lac non habuerint, capram ei admisisse, Amaltheam nomine, quae
eum dicitur educasse. Hanc autem geminos hoedos solitam esse procreare et fere eo tempo-
re peperisse quo Iuppiter nutriendus est allatus. Itaque propter beneficium matris et hoedos
quoque dicitur inter sidera collocasse. Hos autem hoedos Cleostratus Tenedius dicitur pri-
mus inter sidera ostendisse. Musaeus autem dicit Iovem nutritum a Themide et Amal-
thea nympha, quibus eum mater Ops tradidisse existimatur, Amaltheam autem ha-
buisse capram quandam ut in delitiis, quae Iovem dicitur aluisse. Nonnulli etiam Aegam So-
lis fìliam dixerunt, multo candore corporis praestantem, cui contrarius pulchritudini horribi-
lis aspectus existebat. Quo Titanes perterriti petierunt a Terra ut eius corpus obscuraret;
quam Terra specu quodam celasse dicitur in insula Creta. Quae postea Iuppitris fuisse nu-
trix, ut ante ostendimus, demonstratur. Sed eum Iuppiter, fidens adulescentia, bellum con-
tra Tytanas appararet, responsum est ei, si vincere vellet, ut aegos pelle tectus et capite

pagina successiva »