Hyginus
Poeticon Astronomicon [1535]
consuetudine homines usi, quo satisfacere Prometheo viderentur, annulos
lapide et fer-
ro conclusos habere coeperunt. Nonnulli etiam coronam
habuisse dixerunt, ut se victo-
rem inpune peccasse diceret. Itaque homines
in maxima laetitia victoresque coronas habe-
re constituerunt; id
exercitationibus et conviviis perspicere licebit. Sed, opino, ad
initium causae et interitum aquilae revertamur, Hercules missus ab Eurystheo ad Hesperidum ma-
la, nescius viae, devenit ad Promethea, quem in Caucaso monte vinctum fuisse supra diximus.
A quo via demonstrata, partaque victoria ad eum iter facere contendit ut et Draconem, de
quo ante diximus, interfectum diceret, et gratiam pro benefģcio referret. Nam confestim
honorem quem potuit reddidit merenti. Qua dimissa homines
instituerunt ut hostiis
immolatis iocinora consumerent in deorum altaribus, ut saturare eos per viscera visce-
ribus Promethei viderentur. Ut Eratosthenes autem de Sagicta demonstrat, hac Apollo Cy-
clopas interfecit,
qui fulmen Iovis fecerunt, quo Aesculapium
interfectum complures di-
xerunt. Hanc Sagictam Hyperboreo monte Apollinem defodisse. Cum autem Iu-
piter ignoverit fģlio, ipsam Sagictam vento ad Apollinem perlatam cum frugibus quae
eo tempore nascebantur. Hanc ergo ob causam inter sidera demonstratur.
De Aquila
Aquila haec est quae dicitur Ganymedem rapuisse
et amanti Iovi tradidisse; hanc
etiam Iuppiter primus ex avium genere delegisse sibi existimatur. Quae
sola
tradita est memoriae contra Solis orientis radios contendere valere. Itaque super
Aquarium volare videtur; hunc enim complures Ganymedem esse finxerunt. Non-
nulli etiam dixerunt
Meropem quemdam fuisse, qui Coam insulam tenuerit
regno, et a
filiae nomine Coon et homines ipsos a se Meropas
appellaret. Hunc autem habuisse u-
xorem quamdam nomine Ethemeam, genere Nympharum procreatam. Quae cum
desierit colere Dia-
nam, ab ea sagittis figi coepit.
Tandem a Proserpina vivam ad inferos arreptam esse. Me-
ropem autem desiderio uxoris permotum, mortem
sibi consciscere voluisse; Iunonem
autem misertam eius in Aquilam corpus eius convertisse et inter sidera
constituisse ne,
si hominis effigie eum collocaret, nihilo minus memoria tenens coniugis desiderio
moereret. Aglaosthenes autem, qui Naxica
scripsit, ait Iovem Cretae surreptum, Naxum de-
latum et ibi esse nutritum. Qui postquam
pervenerit ad virilem aetatem et voluerit bel-
lo lacessere Titanas, sacrificanti ei aquilam auspicatam; quo auspicio usum esse et eam
inter astra conlocasse. Nonnulli etiam dixerunt Mercurium, alii autem Anapladem pul-
chritudine Veneris ductum in amorem incidisse; et cum ei copia non fģeret, animum,
ut contumelia accepta, defecisse. Iovem autem misertum eius, cumVenus
in Acheloo flu-
mine corpus ablueret, misisse Aquilam, quae socium eius in Amitenea Aegyptiorum
de-
latum Mercurio traderet; quem persequens Venus ad cupientem sui pervenit. Qui, copia
facta, pro benefģcio Aquilam in Mundo collocavit.
Delphin
Hic qua de causa sit inter astra collocatus, Eratosthenes ita cum caeteris
dicit:
Neptunum, quo tempore voluerit Amphitriten
ducere uxorem, et illa cu-
piens servare virginitatem fugerit ad Atlanta, complures eo quaesitum di-
misisse, in his et
Delphina quemdam nomine. Qui pervagatus insulas, ali-
quando ad virginem pervenit eique persuasit ut nuberet Neptuno, et ipse nu-
ptias eorum administravit. Pro quo
facto inter sidera Delphini effigiem collocavit. Et hoc
amplius: qui Neptuno simulacrhum faciunt, Delphinum aut in manu, aut sub pede
eius constituere videmus; quod Neptuno gratissimum esse arbitrantur. Aglaosthenes autem,
qui Naxica conscripsit, Tyrrhenos ait fuisse
quosdam navicularios, qui Liberum Patrem
puerum receptum ut Naxum cum sociis suis comitibus transuectum
redderent nutri-
cibus nymphis, a quibus eum nutritum et nostri in progenie
deorum et complures
Graeci dixerunt. Sed ut ad propositum revertamur, navicularii, spe praedae
inducti, na-
vem avertere voluerunt. Quod Liber
suspicatus comites suos iubet symphonia canere;
pagina successiva »
p. 78