Hyginus

Fabularum Liber

quae cum diceret se ab eo intactam esse, suo tempore peperit Chrysen iuniorem et dixit
se ab Apolline concepisse. Postea, Chryses Thoanti eos cum reddere vellet, Chryses audiit
senior Agamernnonis Iphigeniam et Orestem filios esse; qui Chrysi filio suo quid veri
esset patefecit, eos fratres esse et Chrysen Agamennonis filium esse. Tum Chryses re co-
gnita cum Oreste fratre Thoantem interfecit et inde Mycenas cum signo Dianae incolu-
mes pervenerunt.

CXXII. Aletes

Ad Alectram Agamemnonis et Clytemnestrae filiam, sororem Orestis, nuntius
falsus venit fratrem cum Pylade in Tauricis Dianae esse immolatos. Id Ale-
tes Aegisthi filius cum rescisset, ex Atridarum genere neminem superesse, re-
gnum Mycenis obtinere coepit. At Electra de fratris nece Delphos sciscitatum
est profecta; quo cum venisset, eodem die Iphigenia cum Oreste venit eo. Idem nuntius
qui de Oreste dixerat, dixit Iphigeniam fratris interfectricem esse. Electra ubi audivit id,
truncum ardentem ex ara sustulit voluitque inscia sorori Iphigeniae oculos eruere, nisi Ore-
stes intervenisset. Cognitione itaque facta, Mycenas venerunt et Aleten Aegisthi filium
Orestes interfecit et Erigonam ex Clytemnestra et Aegistho natam voluit interficere, sed
Diana eam rapuit et in terram Atticam sacerdotem fecit. Orestes autem Neoptolemo in-
terfecto Hennionen Menelai et Helenae filiam adductam coniugem duxit; Pylades autem
Electram Agamemnonis et Clytaemnestrae filiam duxit.

CXXIII. Neoptolemus

Neoptolemus Achillis et Deidamiae filius ex Andromacha Eetionis filia ca-
ptiva procreavit Amphialum. Sed postquam audivit Hermionem sponsam
suam Oresti esse datam in coniugium, Lacedaemonem venit et a Menelao
sponsam suam petit. Cui ille fidem suam infirmare noluit, Hermionenque
ab Oreste adduxit et Neoptolemo dedit. Orestes iniuria accepta Neoptolemum Del-
phis sacrficantem occidit et Hermionen recuperavit; cuius ossa per fines Ambraciae sparsa
sunt, quae est in Epiri regionibus.

CXXIV. Reges Achivorum

Phoroneus Inachi filius, Argus Iovis filius, Peranthus Argi filius, Triops Per-
anthi filius, Pelasgus Agenoris filius, Danaus Beli filius, Tantalus Iovis filius,
Pelops Tantali filius, Atreus Pelopis filius, Temenus Aristomachi filius, Thye-
stes Pelopis, Agamemnon Atrei, Aegisthus Thyestis, Orestes Agamemnonis,
Clytus Temeni filius, Aletes Aegisthi, Tisamenus Orestis, Alexander Eurysthei.

CXXV. Odyssea

Ulysses cum ab Ilio in patriam Ithacam rediret, tempestate ad Ciconas est de-
latus, quorum oppidum Ismarum expugnavit praedamque sociis distribuit.
Inde ad Lotophagos, homines minime malos, qui Loton ex foliis florem pro-
creatum edebant, idque cibus tantam suavitatem praestabat ut qui gusta-
bant oblivionem caperent domi reditionis. Ad eos socii duo missi ab Ulysse cum gu-
starent herbas ab eis datas ad naves obliti sunt reverti, quos vinctos ipse reduxit. Inde
ad Cyclopem Polyphemum Neptuni filium. Huic responsum erat ab augure Telemo
Eurymi filio ut caveret ne ab Ulysse excaecaretur. Hic media fronte unum oculum ha-
bebat et carnem humanam epulabatur. Qui postquam pecus in speluncam redege-
rat, molem saxeam ingentem ad ianuam opponebat. Qui Ulyssem cum sociis inclusit
sociosque eius consumere cepit. Ulysses cum videret eius immanitati atque feritati resistere
se non posse, vino quod a Marathone

acceperat eum inebriavit, seque Utin vocari di-
xit. Itaque cum oculum eius trunco ardenti exureret, ille clamore suo caeteros Cyclopas con-
vocauit, eisque spelunca praeclusa dixit, Utis me excaecat. Illi credentes eum deridendi gra-
tia dicere neglexerunt. At Ulysses socios suos ad pecora alligavit et ipse se ad arietem, et
ita exierunt. Ad Aeolum Hellenis filium, cui ab Iove ventorum potestas fuit tradita; is
Ulyssem hospitio libere accepit, follesque ventorum ei plenos mumeri dedit. Secum vero

pagina successiva »

p. 37