Hyginus
Fabularum Liber
Haec igitur ursa a Graecis Helice appellatur. Haec
habet stellas in capite septem non claras,
in utraque aure duas, in armo unam, in pectore claram unam, in pede priore unam, in
extrema coxa claram unam, in foemine posteriori duas, in pede extremo duas, in cauda
tres, omnes numero viginti.
CLXXVIII. Europa
Europa Argiopes et Agenoris filia Sidonia. Hanc Iupiter in taurum con-
versus a Sidone Cretam transportauvit
et ex ea procreavit Minonem, Sarpe-
donem, Rhadamantem. Huius pater Agenor suos filios misit ut sororem re-
ducerent aut ipsi
in suum conspectum non redirent. Phoenix in Africam est
profectus, ibique remansit; inde Afri Poeni sunt
appellati. Cilix suo nomine Ciliciae no-
men indidit. Cadmus cum erraret, Delphos devenit; ibi responsum accepit ut a pastori-
bus
bovem emeret qui Lunae signum in latere haberet, eumque ante se ageret; ubi
decu-
buisset, ibi fatum esse eum oppidum condere et ibi regnare. Cadmus sorte audita cum
imperata perfecisset et aquam quaereret, ad fontem Castalium venit, quem
Draco Mar-
tis filius custodiebat. Qui cum socios Cadmi interfecisset a Cadmo lapide est interfectus,
dentesque eius Minerva monstrante sparsit et aravit, unde Spartae sunt enati. Qui inter se
pugnarunt. Ex quibus quinque superfuerunt, id est Chthonius, Udaeus Hyperenor, Pelorus
et Echion. Ex bove autem quem secutus fuerat Boeotia est appellata.
CLXXIX. Semele
Cadmus Agenoris et Argiopes filius ex Armonia Martis et
Veneris filia
procreavit filias quattuor, Semelen, Ino, Agaven, Autonoen, et Polydo-
rum filium. Iovis cum Semele voluit concumbere; quod Iuno cum re-
sciit, specie immutata in Beroen nutricem ad eam venit, et
persuasit ut pe-
teret ab Iove ut eodem modo ad se
quomodo ad Iunonem veniret, ut intel-
legas, inquit,
quae sit voluptas cum deo concumbere. Itaque Semele petiit ab Iove ut ita ve-
niret ad se. Qua re impetrata, Iovis cum fulmine et tonitribus venit et Semele con-
flagravit. Ex utero eius Liber est natus, quem Mercurius ab igne ereptum Niso dedit edu-
candum, et Grece Dionysus est
appellatus.
CLXXX. Actaeon
Actaeon Aristei et Autonoes
filius pastor Dianam lavantem speculatus est et eam
violare volouit. Ob id irata Diana fecit ut ei cornua in capite nascerentur et a
suis
canibus consumeretur.
CLXXXI. Diana
Diana cum in valle opacissima cui nomen est Gargaphia aestivo tempore
fa-
tigata ex assidua venatione se ad fontem cui nomen est Parthenius perlue-
ret, Actaeon
Cadmi nepos Aristei et Autonoes
filius, eundem locum petens
ad refrigerandum se et canes quos exercuerat feras persequens, in conspectum
Deae incidit. Qui ne loqui posset, in cervam ab ea est conversus. Ita pro cervo laceratus est
a suis canibus. Quorum nomina, masculi Melampus, Ichnobates, Echnobas, Pampha-
gos, Dorceus, Oribasus, Nebrophonus, Laetaps, Theron, Pterelas, Hylaeus, Nape, Ladon,
Poemenis, Therodanapis, Aura, Lacon, Harpya, Elion ,
Dromas, Thous, Canache, Cy-
prius, Sticte, Labros, Arcas, Agriodus, Tigris, Hilactor, Alce, Harpalus, Lycisca, Melaneus,
Lachne, Leucon. Item tres qui eum Gnosius consumpserunt foeminae Melanchoetes,
Agre, Therodamas, Oresitrophos. Item alii auctores tradunt haec nomina: Acamas, Sy-
rus, Aeon, Stilbon, Agrius, Charops, Aethon, Coran, Boreas, Draco, Eudromus, Dro-
mius, Zephyrus, Lampus, Hemon, Cyllopodes, Harpalicus, Machimus, Ichneus, Ome-
limpus, Ocydromus, Borax, Ocythous, Pachitos, Obrimus. Feminae, Argo, Aretusa,
Urania, Theriope, Dinomache, Dioxippe, Echione, Gorgo, Cyllo, Arpya, Lynceste, Lea-
ena, Lacena, Ocypote, Ocydrome, Oxyroe, Orias, Sagnos, Theriphone, Volatos,
Chediaetros.
pagina successiva »
p. 49