Hyginus

Fabularum Liber

CCLV. Quae impiae fuerunt

Scylla Nisi filia patrem occidit. Ariadne Minois filia fratrem et filios occidit.
Progne Pandionis filia filium occidit. Danaides coniuges suos patrueles
occiderunt. Lemniades in Lemno insula patres et filios occiderunt. Harpa-
lice Clymeni filia filium quem ex patris concubitu pepererat, occidit. Tul-
lia Rhomanorum super parentis corpus currum duxit, unde vicus sceleratus est dictus.

CCLVI. Quae castissimae fuerunt

Penelope Icarii filia uxor Ulyssis, Evadne Phylacis filia coniunx Capanei, Lao-
damia Acasti filia coniunx Protesilai, Hecuba Cissei filia uxor Priami. Theo-
noe Thestoris filia. Uxor Admeti. Romanorum Lucretia Lucretii filia, con-
iunx Collatini.

CCLVII. Qui inter se amicitia iunctissimi fuerunt

Pylades Strophii filius cum Oreste Agamemnonis filio. Pirithous Ixionis
filius cum Theseo Aegei filio. Achilles Pelei filius cum Patroclo Menoetii fi-
lio. Diomedes Tidei filius cum Sthenelo Capanei filio, Peleus Aeaci filius cum
Phenice Amintoris filio. Hercules Iovis filius cum Philocteta Poeantis filio.
Armodius et Aristogiton more fraterno. In Sicilia Dionysius tyrannus cru-
delissimus cum esset suosque cives cruciatibus interficeret, Moerus tyrannum voluit inter-
ficere, quem satellites cum deprehendissent armatum, ad regem perduxerunt. Qui interro-
gatus respondit se regem voluisse interficere, quem rex iussit crucifigi, a quo Moerus petit
tridui commeatum ut sororem suam nuptui collocaret, et daret tyranno Selinuntium
amicum suum et sodalem, qui sponderet eum tertio die venturum. Cui rex indulsit co-
meatum ad sororem collocandam, dicitque rex Selinuntio, ut nisi ad diem Moerus veni-
ret, eum eandem poenam passurum, et dimitti Moerum. Qui collocata sorore cum re-
verteretur, repente tempestate et pluvia orta, flumen ita increvit, ut nec transiri nec trans-
natari posset, ad cuius ripam Moerus consedit et fiere coepit, ne amicus pro se periret.
Phalaris autem Selinuntium crucifigi cum iuberet, ideo quod horae sex tertii iam diei es-
sent, nec veniret Moerus, cui Selinuntius respondit, diem adhuc non praeteriisse. Cumque
iam et horae novem essent, rex iubet duci Selinuntium in crucem. Qui cum duceretur,
vix tandem Moetus, liberato flumine, consequitur carnifìcem exclamatque a longe, Susti-
ne, carnifex, adsum quem spopondit. Quod factum regi nuntiatur; quos rex ad se iussit
perduci, rogavitque eos ut se in amicitiam reciperent vitamque Moero concessit. Armodius
et Aristogiton. Idem in Sicilia eundem Phalarim Armodius cum vellet interficere, simu-
lationis causa scropham porcellos habentem occidit et venit ad Aristogitonem amicum
suum ense sanguinolento, dicitque se matrem interfecisse, rogatque eum ut se celaret. Qui cum
ab eo celaretur, rogavit Aristogitonem ut progrederetur rumoresque qui essent de matre si-
bi renuntiaret: nullos esse rumores. Qui vespere ita litem contraxerunt, ut alius alio po-
tiora ingererent, nec ideo Aristogiton voluit obiicere eum matrem interfecisse. Cui Ar-
modius patefecit se scropham porcellos habentem interfecisse et ideo matrem dixisse,
cui indicat se regem velle interficere, rogatque eum ut sibi adiutorio esset. Qui cum ad
regem interficiendum venissent, depraehensi sunt a satellitibus armati, et cum perducerentur
ad Tyrannum, Aristogiton a satellitibus effugit. Armodius autem solus cum perductus
esset ad regem quaererentque ab eo quis ei fuisset comes, ille ne amicum proderet, lin-
guam dentibus sibi praecidit, eamque regis in faciem inspuit. Nisus cum Euryalo suo,
pro quo et mortuus est.

pagina successiva »

p. 60