Hyginus

Poeticon Astronomicon [1482]

chritudine corporis inductum, petiisse ab ea ut sibi nuberet, neque impetrasse;
et coepisse Minervam sese occultare in eodem loco qui propter Vulcani
amorem Ephestius est appellatus. Quo persecutum Vulcanum ferunt coepisse ei
vim afferre, et cum plenus cupiditatis ad eam ut complexui se applicaret,
repulsus effudit in Terram voluptatem. Quo Minerva, pudore permota,
pede pulverem iniecit. Ex hoc autem nascitur Erichthonius anguis, qui ex
Terra et eorum dissensione nomen possedit. Eum dicitur Minerva in cistella
quadam ut mysteria contectum ad Erichthei fìlias detulisse et his dedis-
se servandum; quibus interdixit ne cistulas aperirent. Sed ut hominum
est natura cupida, ut eo magis appetant quo interdicatur saepius, vir-
gines cistella aperuerunt et anguem viderunt. Quo facto, insania a Mi-
nerva iniecta, de arce Atheniensium se praecipitaverunt. Anguis autem
ad Minervae clypeum confugit et ab ea est educatus. Alii autem Anguina
tantum crura habuisse Erichthonium dixerunt, eumque primo tempore adole-
scentiae ludos Minervae Panathenaea fecisse et ipsum quadrigis cu-
currisse; pro quibus factis inter Sidera dicitur conlocatus. Non nulli
etiam, qui de Sideribus scripserunt, hunc natione Argeum, Orsilochum no-
mine, prirmum quadrigarum inventorem esse dixerunt et pro inventio-
ne Siderum locum possedisse. Alii autem hunc Mercuri filium ex Cly-
tia natum, nomine Myrtilum, Oenomai aurigam defìnierunt, cuius post
notam omnibus mortem parens corpus in Mundo constituisse exi-
stimatur. Huius in humero sinistro capra instare et in manu sini-
stra haedi videntur formati; de quibus non nulli ita dicunt: Olenum
quemdam fuisse nomine, Vulcani fìlium; ex hoc duas nymphas
Aega et Helicen natas, quae Iovis fuerunt nutrices. Alii autem ab hiis
etiam urbes quasdam appellari dixerunt, et Olenon in Alide, Eli-
cen autem in Peloponneso et Aegam in Emonia nominari, de qui-
bus Homerus in Iliadis secundo dicit

. Parmeniseus autem ait Me-
lissea quemdam fuisse Cretae regem; ad eius filias Iovem nutriendum
esse delatum. Quae quod lac non habuerint, capram ei admisisse, A-
maltheam nomine, quae eum dicitur educasse. Hanc autem geminos

pagina successiva »

p. 21