Hyginus

Poeticon Astronomicon [1482]

Deltoton. Hoc Sidus quod ut littera est Graeca in triangulo
posita, itaque appellatur. Quod Mercurius supra caput A-
rietis statuisse existimatur ideo ut obscuritas Arietis
huius splendore, quo loco esset, significaretur, et Iovis
nomine Graece Διός primam litteram deformaret.
Nonnulli Aegypti positionem, alii qua Nilus terminaret Aethiopiam
esse et Aegyptum dixerunt. Alii Siciliam figuratam putaverunt; alii, quod Orbem
Terrarum superiores trifariam diviserunt, tres angulos esse consti-
tutos dixerunt.
Aries. Hic existimatur esse qui Phrixum transtulisse et
Hellen ditctus est per Hellespontum. Quem Hesiodus

et
Pherecydes ait habuisse auream pellem; de qua alibi plu-
ra dicemus. Sed Hellen decidisse in Hellespontum et a
Neptuno compressam Paeona procreasse complures, non-
nulli Edonum dixerunt. Praeterea Phrixum incolumem ad Aetam pervenis-
se, Arietem Iovi inmolasse, pellem in templo fixisse et Arietis ipsius effigi-
em ab Iove inter Sidera constitutam habere tempus anni quo frumen-
tum seritur, id ideo quod ortum severit ante, quae maxime fugae fuit causa.
Eratosthenes ait

Arietem ipsum sibi pellem auream detraxisse et Phrixo
memoriae causa dedisse, ipsum ad Sidera pervenisse, quare, ut supra di-
ximus, obscurius videatur. Hunc autem nonnulli dixerunt in oppido Hor-
comeno, quod est in Boetia, natum; alii in Salorum Thessaliae finibus procrea-
tum. Alii dicunt Cretea et Athamantem cum aliis compluribus Aeoli fìlios fuis-
se; nonnulli etiam Athamantis filium Salamonem esse Aeoli nepotem esse
dixerunt. Crethea autem habuisse Demodicen uxorem, quam alii Biadicen dix-
erunt. Hanc autem Phrixi Athamantis filii corpore inductam in amorem
incidisse, neque ab eo ut sibi copiam faceret impetrare potuisse. Itaque
necessario coactam, criminari eum ad Cretea coepisse, quod diceret ab eo
vim sibi paene allatam, et horum similia mulierum consuetudine dixisse. Quo
facto Cretea, ut uxoris amantem permotum, Athamanti ut de eo suppli-
cium sumeret persuasisse. Nubem autem intervenisse, et ereptum Phrixum

pagina successiva »

p. 30