Istituto Nazionale di Studi sul Rinascimento · SIGNUM
| Addecet et solium semper super omnia celsum, | |
| Et maiestatem immensam sine margine templum. | |
| Ut varias tamen usque adeo species animantum | |
| Terra dedit, paucis humana est forma tributa, | |
| Perpaucique homines veri sunt, quique deorum | |
| Alta inter multos habiti sunt indole digni; | |
| Non aliter talpas hinc contemplabere, dium | |
| Sicubi in aethereum aspectum adventasse licebit, | |
| Horrentes iterum telluris fodere dorsum | |
| Matris, tentabunt veterem adremeare cavernam. | |
  Nocturnus Bubo, dirum mortalibus omen, | |
| Ut primum Cypriam viderit claro ex oriente | |
| Surgentem, et valvas, rapida vertigine, matri | |
| Adproperae rerum, Phoebi monstrare parentis, | |
| Non feret ille Iovem refugax pervadere apertum. | |
| Armentum, cui iniunctum colere antra Acherontis | |
| Atque interdictum est sublimem tollere vultum, | |
| Incurvo ad Orcum ventre, et cuiusque serenae | |
| Lampadis aspectus, cornu imperiosa recurvo, | |
| Hoc adiget noviter, revocabitque illud Erynnis. | |
| Porro felici cognata animantia soli, | |
| Antrorum ad umbras, noctis fugientia ab umbris, | |
| Ad tenebrasque sinus materni, quando molestae | |
| In noctis finem trahit orbita temporis illa, | |
| Sublatis sublime oculis, animoque refecto, | |
| Respirant, grates vicibus referuntque benignis, | |
| Insueto cordis plausuque Orientis adorant | |
| Atria, de quorum stabulis crinitus Apollo |
indice 
cerca 
citazioni 
immagini 
edizioni 
confronta testi