Grassi, Orazio

Libra astronomica ac philosophica

hoc non vere minus quam eleganter affirmant? Ordiar a poëtis, iis contentus
quorum auctoritas, quia rerum naturalium cognitione perbene instructi sunt, in
rebus gravissimis afferri ac magni fieri solet. Et sane Ovidius, non poëticae solum
sed mathematicorum etiam ac philosophiae peritus, non sagittas modo, sed plum-
beas glandes, fundis Balearicis excussas, in cursu saepe exarsisse testatur

. In
libris enim Metamorphoseon haec habet:

Non secus exarsit, quam cum Balearica plumbum
Funda iacit: volat illud et incandescit eundo,
Et, quos non habuit, sub nubibus invenit ignes.
Paria his habet Lucanus, ingenio doctrinaque clarissimus:

Inde faces et saxa volant, spatioque solutae
Aëris et calido liquefactae pondere glandes.
Quid Lucretius, non minor et ipse philosophus quam poëta? nonne pluribus in
locis idem testatur?

...........plumbea vero
Glans etiam longo cursu volvenda liquescit;
et alibi:

Non alia longe ratione, ac plumbea saepe
Fervida fit glans in cursu, cura multa rigoris
Corpora demittens ignem concepit in auris.
Idem innuit Statius, dum ait:

.....arsuras caeli per inania glandes.
Quid de Virgilio, poëtarum maximo? non ne bis hoc ipsum disertissime affirmat?
Dum enim ludos Troianorum describit, de Aceste ita loquitur:

Namque volans liquidis in nubibus arsit arundo,
Signavitque viam flammis, tenuesque recessit
Consumpta in ventos;
alio vero loco, de Mezentio sic:

Stridentem fundam, positis Mezentius armis,
Ipse ter adducta circum caput egit habena,
Et media adversi liquefacto tempora plumbo
Diffidit, et multa porrectum extendit arenat

.

pagina successiva »

p. 163