informazioni|progetto|link|home|

Della Porta, Giovan Battista

Coelestis Physiognomoniae libri sex

xione vincet caliditas et siccitas. Alchabitius dixit: Bene calidum
complexionem. Leupoldus: Vincet in eo caliditas et siccitas. Mater-
nus: Facit invictos et qui nullis rationibus subigantur, immobiles,
contentiosos, tardos, violentos, audaces, periculosos et, qui assiduis
decipi soleant, multum comedentes et carnes crudas non bene coctas
et cibos digerentes, imperitos et principalia sibi semper vendicantes
potestatis insignia, neque circa uxores, neque circa filios, neque amicos
bonos habent effectus, ut qui res alienas invida cupiditate desiderant.
Artes, quas exercent erunt ex igne et ferro ignito, id est praecisiones
et combustiones. Hali: Si Mars fuerit dominus significationis spiritus
et in bono statu, gignit natum fortem, amabilem, iratum, amatorem
armorum et rerum armis convenientium, audacem, quoniam amat
diligere et agitare praelia, exponit se periculis, nulli obedit nec se
submittit, renovator rixarum, locutor factorum et audacium facinorum
et iactat se de his et, acutus, praeponit se rebus et factis. Vilipensor
rerum omnium, amat vincere, avarus, semper iratus et nihilominus
prudentium morum in suis rebus. Addunt alii: gaudent rubris indu-
mentis, circa filios et uxores non propensi, ob id optime finxerunt
poetae Herculem uxores et filios occidisse, non nisi bella audenti
animo concupiscunt et bella serere conantur. Ad exemplum magnum
Sfortiam afferemus, fuit enim statura corporis erecta, mediocri, macro
potius quam succoso habitu, praevalidis artubus, firmissimo quodam
nervorum nexu, cruribus ad suram maxime perstrictis, manu ampla,
digitorum compage adeo firma ut distractam in diversum, utraque
manu ferream equi soleam facile disrumperet, lato pectore latisque
humeris, ventre adeo restricto et castigato ut angustissime cingeretur,
quandoquidem in medio a duobus primis ab utraque manu expansis
lunatisque digitis facile praecingi posset, erat facie subagresti, parum
laeta, rubro pallore subfusca, oculis coesiis minacibus ac intra cavos
orbes reconditis, naso adunco, sed tamen os praeclaro quodam mili-
tari decore ornabatur, ut mira indoles ex agresti vultu effluebat, ut
Martios decet, ut ad ingentia facinora natus ex humilissimis natalibus
videretur. Fuit vulnerum et periculorum contemptor, nunquam ab
acie, nisi victor discessit, excitabatur diu noctuque ad magnorum

pagina successiva »