informazioni|progetto|link|home|

Della Porta, Giovan Battista

Coelestis Physiognomoniae libri sex

albaras et valetudines adventitias, quae fiunt in corpore praeter
naturam, cum asperitate atque foeditate, pru<r>itus, lentigines et
patientur pavores et cogitationes horribiles, homines inquietantes, et
quicquid tandem cum inflammatione caloris. At eiusmodi morbos
non e syderibus, sed ex humoribus provenire sanciunt medicorum
dogmata. Galenus, namque super Aphorismos Hippocratis: Pustulas
biliosas per totum corpus dispersas, erysipelas, id est serpigines,
tertianas et ardentes febres ex bil<i>oso humore provenire dixit. Et,
libro De naturalibus facultatibus: Calidi morbi a flava bile. Sic libro
De utilitate respirationis.

Caput XXI.
Forma, mores et morbi qui ex infoelici Marte proveniunt.

Ptolemaeus: Mars si occidentalis extiterit, nasus tantum rubri
coloris erit et moderatae corporis qualitatis, parvos habet oculos,
capillos raros, planos et flavos. A quo Leupoldus: Si in occidua
statione Mars fuerit, rubeus tantum erit, corpore mediocri, parvis
oculis, capillis raris, planis et flavis. Iulius Firmicus: Mars geniturae
dominus facit homines rubeis capillis et oculis cruentis. Hali: Mars
si fuerit occidentalis, est rubei coloris, simplicis rubedinis, parvorum
oculorum, corporis mediocris, capillorum ad albedinem tendentium,
faciem habet rotundam et forte in ea maculas, magnum caput et
anterius prominens, in fronte percussionem aut signum, magnas aures,
aspectum acutum, dentes longos, carnem modicam, in suo incessu
magnos faciet passus. Messahala dixit quod facit hominem rubeam
faciem habentem, capillos rubeos, faciem rotundam, leviter eam
dehonestantem, oculos magnos et croceos, aspectum horribilem,
habentem in pede sinistro maculam, et hoc raro fallere. Dorotheus

pagina successiva »