Della Porta, Giovan Battista

Coelestis Physiognomoniae libri sex

choreae, cantibus et sonis deliciisque vitam, pugionibus vel veneno
periere, etiam me admonente ac praesagiente.

Caput XXXIII.
Quod eius mores ex calida et humida temperatura proveniant.

Galenus, libro De usu partium, ait

ex sanguine principaliter fit
sperma. Et in librum Hippocratis De natura humana, ut non
immerito calidi et humidi temperamenti homines sint luxuriosi et
perpetuo coitu gaudentes, fornicatores usque ad mortem, ideo fervidi
et ad sobolem procreandam idonei. Propterea sanguinea temperies
sive calida et humida, ut superius diximus, facit natos delectabiles,
assiduo luxui vacantes, amabiles, gratos, pios, misericordes, bonos,
amicos, multo potu gaudentes, delectantes musica, odoribus et sui
corporis ornamentis sumptuosis, pulchris et mundis et cultus suae
faciei: nam formosi videri desiderant. Et ex eo dicit Galenus De dyna-
midiis libro sanguinem homines blandos facere et formosos,
sanguinemque etiam bonum facere animum simplicem, modestum et
blandum.

Caput XXXIV.
De morbis quos dat Venus non ex stella, sed e qualitatibus.

Astrologi morbos Venerem praestare aiunt, qui accidant in membris
genitalibus, quando est male affecta. Ob id Maternus ait,

vitia facere
circa naturalia et necessaria, mortes vero notas gloriosasque decernit.
Morbos circa genitalia, gonhorream, obstructionis rerum, vesicae, uteri
et pudendorum dolores. Nos autem dicimus quod luxuriosi usque ad
mortem luxuriantur et luxuriosi cum meretricibus versantur, ut facile
eiusmodi morbos contrahant.

pagina successiva »

p. 61