informazioni|progetto|link|home|

Della Porta, Giovan Battista

Coelestis Physiognomoniae libri sex

Fuit Ioannis Pycus Mirandulanus coloris fulvi, gracilis ac commen-
suratae quantitatis corporis, oculis parvis, flavis, facie obducta, naso
praelongo et tenui, tenuibusque labiis, facie puerili, sed tam decora ut
fere angelica videretur. Fuit et tanta ingenii altitudine et memoria, ut
merito inter mortales Phoenicis nomine appellaretur, incomparabili in
disputando et scribendo facundia, ut omnes a scribendo deterreret.
Philosophus et mathematicus, theologiae arcana perquisivit. Fuit et
lectissimus moribus et animi candore, celebs vixit ut virgo moreretur,
modici cibi et potus, studiis et vigiliis fatigatus, iuvenis interiit.
Ulisses ex Darete ita describitur a Nepote:
Ore hilaris modiceque humiles collectus in armos
Dux Itachus prudens, consultum pendere, gnarus
Obliquare dolos, doctus captare loquendo.

Caput XLI.
De morbis quos dat Mercurius et de physicis rationibus.

Inquit Maternus: Patientur mercuriales animi aegritudines, parvi-
pendendo magna et magnificando parva, cogitationes horribiles et men-

pagina successiva »