Della Porta, Giovan Battista

Coelestis Physiognomoniae libri sex

semicrispi castaneae coloris, pili non prorsus nigri eruntque inter raros
et crispos. Et si alter orientalis, alter occidentalis, erit aliquid infra
hoc. Si uterque occidentalis, multum infra hoc. Et natus habebit
colorem pulchriorem quam sit mellinus: tenentes oculos in terram
eundo, pedes recurvos et iungit eos cum vadit, oculos non magnos,
iuncta supercilia, cutem non recentem, quasi siccam, labia grossa, venas
apparentes, barbam non spissam, capillos asperos, multos. Hali vero:

Si Saturnus fuerit in convenientia cum Sole, et in bono statu, et
similiter Iuppiter in bono statu, natum gignit religiosum et qui ornat
et amat senes et est mansuetus et quietus, boni consilii ac bonae
opinionis, auxiliator a regibus et nobilibus cognitus et honestus; quod
in animo habet, hoc vult ostendere, dator, bonus elector, amator
aliquorum, intelligens, patiens et philosophus. At si hi planetae fuerint
in diverso statu a iam dicto, producunt natum nescientem uti bono ut
qui caret perfectione sensus et delectatur phantasmatibus et diligit
ecclesiis commorari, futura praedicit, abhorret filios, amicum habere
non potest, non associatur hominibus, nullus confidit in eo, nescius,
perfidus in rationibus, gloriatur sine ratione, honorem non diligit,
amat plorare, malae conceptionis et electionis, solitarius, patiens, labo-
riosus et taediosus. Maternus eiusmodi mores decernere dicit:

Vita
claros, nobilem omnemque felicitatem erit anima nati iusta senes
decrepitos libenter honorabit eritque sani consilii, aliis libenter subser-
viet et iuvabit, largitor, magnanimus, patiens, quietus, intelligens, ami-
corum amator et philosophus. Leupoldus:

Si Saturnus Iovi assimiletur,
erit natus commendabilis, iustus, honorabit socios et erit sani consilii,
adiutor regis, donator, bonae memoriae, dilector amicorum, quietus,
intelligens, patiens, philosophus.
Si Saturnus cum Marte participabit, facit hominem non bene rec-
tum, semigrossum, color erit subniger, participans quadam non de-
centi rubedine, habebit aliquando in facie aliquas indecentes maculas,
pili eius semirari, capilli non multum nigri, immo erunt participantes
quadam obscura rubedine. Hali:

Si Saturnus compar fuerit cum
Marte, et ambo in sua doryphoria, sicut diximus, procreant natum
audacem, parvae conceptionis, impium, nebulonem in rebus et factis
suis, litigatorem et qui se exponit magnis periculis et infortuniis, non

pagina successiva »

p. 78