Della Porta, Giovan Battista

Coelestis Physiognomoniae libri sex

Caput IV.
Quod ex copulatis qualitatibus formae
et mores eveniant, non ex influxibus.

Formam et mores quos astrologi ex copulatione duorum plane-
tarum proficisci dicunt, nos dicemus ex copulatis qualitatibus, scilicet
ex humiditate et caliditate cum aliis qualitatibus proficisci. Et primo
qualitas resultans ex calido et humido cum calido et sicco, scilicet ex
Iove cum Marte copulato, scilicet ex sanguine cum flavae bilis admi-
stione. Quia sanguis dabat album roseum colorem, bilis rubeum; ex
utriusque miscella fit color carnis albus cum quadam rubedine biliosa.
Iuppiter, sive sanguis, dat oculos magnos, ut diximus ex Dorotheo, et
Mars, sive bilis, facit oculos grossos, ex Messahala, ex duorum horum
mixtione provenit oculus maior, quam si esset solus dispositor Iuppiter.
Quando Iuppiter calidus et humidus cum Sole calido et sicco
coniunctus, natus ex hac mixtione optimorum erit morum et formae.
Erit color nati albus, sed non tam albus quando solus erat Iuppiter
significator, sed cum quodam rubore et croceitate, ob id pulchrior
decentiorque. Iuppiter dat mediocrem staturam et Sol, sive caliditas et
siccitas decentiam magnitudinis, ergo statura nati aliquid erit minus
mediocris. Sed quia utraeque qualitates primae sunt, erit semper for-
ma decens, venusta, pulchriorque. Bilis dat croceos oculos, sanguis
caropos, ergo ex utroque colore erit oculus, mitigata croceitate, ali-
quantulum croceus. Calidum et siccum capillos crispos facit, siccitas
et humiditas planos; ex utraque miscella, capilli erunt aliquid habentes
crispitudinis. Ex utroque primo temperamento non nisi optimi mores,
ob id Maternus

integra foelicitatis ornamenta decernere dixit.
Forma Iovis et Veneris non erit alia, quam calida et humida, quia
unusquisque eandem praebet et uterque formam venustissimam. Dixi-
mus ex Messahala carnem habere albam trahentem ad aliquam nigre-
dinem, sed id non ad deformitatem, sed ut quid gratiae et leporis
daret albedini: nam Iuppiter albos faciebat, ex utriusque enim qualitate
mellinus color: nam Venus pulchros facit capillos, faciem semirotun-

pagina successiva »

p. 88