informazioni|progetto|link|home|

Della Porta, Giovan Battista

Coelestis Physiognomoniae libri sex

quodammodo non vere rubeo colore tinctum, semicalvum atque semi-
grossum. Staturam declinantem ad pulchritudinem atque decentiam,
capillos declinantes ad glaucedinem potius quam ad alium colorem,
oculos non vere nigros. Maternus: Si Mars sub radiis Solis fuerit,
incendii et publicae adustionis decernit exitia et in occasu positus,
violentae mortis discrimen indicat. Alii: Mars particeps cum Sole facit
hominem habentem nigredinem, sed in rubedine vergentem, parum
destantem ab aemulo colore, staturam vix mediocrem, ipsamque
decentem, semigrossos capillos, quasi glaucos, oculos semigrossos.
Si Mars cum Venere iunctus fuerit, facit hominem semirubeum,
cum quadam decentia albedinis, staturam mediocrem atque decentem,
faciem semirotundam, maxillas mediocres, oculos decentes, erit nigredo
eorum maior quam oporteat, non tamen indecens, non bene carnosus,
ut possit dici semicrassus, facies ipsius erit alacris. Mars cum Veneris
participatione malitiae suae omnem deponit ardorem ex Materno.
Hali: Si Martis planeta convenientiam habuerit cum Venere, et fuerit
in bono statu, procreant natum convenientem cum hominibus, mo-
bilem, bonae credulitatis, deceptorem amicorum suorum; hic enim
vitam diligit vitiosam, quietem amat simplicem, pulchrae formae, amat
psallere et saltare, amore corripitur, convivator est, iacet cum mulieribus
contra legem et in quo est peccatum, nihilominus foelix est et sibi
cavet in suis negotiis, sensatus, illusor et deceptor, magnae cogitationis,
abstinet se a pueris et puellis, expensator, cito irascitur et magnus est
zelotypus. At si quando hi planetae fuerint in statu diverso a modo
dicto, faciunt natum appetere multum, iacere cum mulieribus sine
aliquo respectu et verecundia, quoniam permutabilis in factis suis,
vilipendit omnes homines, meretricator est, dehonestator, mendax,
deceptor amicorum, sicut aliorum, facilis ad complendum voluntates
suas, dehonestat et corrumpit mulieres bonas et virgines, sapiens in
fraudibus et proditionibus, periurus in suis sacramentis, insultor et
deceptor, damnati sensus, forsitan dirigit puritates, mobilis in suis
factis et fornicationes turpes exercet.
Si vero Mars cum Mercurio particeps, significat hominem habentem
corpus semigracile, staturam mediocrem, colorem declinantem potius

pagina successiva »