informazioni|progetto|link|home|

Della Porta, Giovan Battista

Coelestis Physiognomoniae libri sex

secundae magnitudinis. Sagittarius in cuspide lunaris et martiae habet
in manu Iovis et Martis, in dorso Iovis et Mercurii in pedibus Iovis
et Saturni, in cauda quatuor Veneris et non nihil Saturni, omnes fere
secundae magnitudinis. Scorpionis omnes fere martiae sunt, in fronte
Martis et Saturni, in corpore rutila una Martis natura et aliquid Iovis,
in nexibus dorsi saturniae non nihil venereae, in ipsa cauda omnes
martiae, in nebuloso gyro martiae. Capricornus quas habet omnes,
sunt Martis et Saturni et Mercurii. Idem de Piscibus, nam martiae,
saturniae et Mercurii parum vel nihil de Iove et Venere participantes.

Caput III.
De forma et moribus quos dat Aries
et eorum physicae rationes.

Hali Arietis formam ita describit: Aries est multorum capillorum,
tendentium ad albedinem, incurvi aspectus, parvarum aurium et longi
colli. Natus erit mutabilis, habebit mutabilem haereditatem, qui par-
ta dissipabit et dilapsa recuperabit. Maternus: Si horoscopus in Arie-
te fuerit, hominem facit in iuventa floridum, dat haereditatem
mutabilem, quae parta dilabentur, mox dispersa recuperabitur, beneficia
praestabit ingratis, ut numquam par rependatur; eritque mutabilis,
obnoxius capitis doloribus, quippe Aries capiti dominatur. Leupoldus:
Qui nascitur in Ariete, respice in quota portione nascetur, nam in
principio erit calidus, iracundus et prae ira caliginosos oculos habebit;
similiter et foemina. Ob id finxerunt antiquiores in quarto Arietis
gradu hominem adesse crispi capillitii qui raro ditabitur, nam, quae
pater acquisierat senex, ipse dissipabit, volens minis dominari; in
decimoseptimo vir serico indutus, delicatulus. Sed physicae rationes
hae sunt: quia Aries signorum et veris principium est, ideo hominem
dixerunt florere in prima iuventa et multi capillitii nasci, quia in Arietis
stellatae formae cornibus multae sunt stellae: sed capillus ex affluenti
provenit caliditate et ex eadem crispitudo, ut in Aethiopibus apparet.
Ob intensam etiam caliditatem mutabilis erit consilii, ut diximus etiam
de Aethiopibus. Et quia Aries signum mobile, quia movetur tunc
annus ex veteri in novum et maxima fit temporum mutatio: ob id

pagina successiva »