informazioni|progetto|link|home|

Della Porta, Giovan Battista

Coelestis Physiognomoniae libri sex

etiam mutabilis consilii. Propensus capitis doloribus plusquam aliis
aegritudinibus est, quia dicunt medici calidum caput eiusmodi morbo
molestari, longitudo colli, aspectus curvitas, aurium parvitas stolidi-
tatem iudicare diximus in Physiognomonicis, ob id non mirum si eius
substantia dilapidata dispergetur et, rursus dispersa, colligetur et si
sua beneficia ingratis praestabit.

Caput IV.
De Tauri formae constitutione,
moribus et physicis rationibus.

Hali dicit: Natus sub Tauro erit altae et amplae frontis, longae
naris cum amplis foraminibus, magnorum oculorum, capillorum erec-
torum et nigrorum, convertibilis in suis factis, grossi colli, nigrorum
superciliorum ac debilis corporis. Alii: facit hominem habentem
faciem amplam, quandoque curvam et, si non habuerint faciem am-
plam, habebit nasum grandem et, si non talem nasum habuerit, tractu
temporis possidebit per accidens: nares longas, oculos nigros et gran-
des, capillos hirsutos seu erectos, collum grossum et pingue, fere plus-
quam deceat qui terram eundo prospiciat, honeste incedentem, non
stabilem, quasi vagum. Maternus de eius moribus haec habet: in sua
iuventa continuis laboribus fatigabitur et, quicquid in prima aetate
fuerit consecutus, semper amittet; sed postea quicquid amiserit, cum
laetitia cumulabit et augebit et habebit foelicitatis bonae ornatum.
Alibi: pars quarta Tauri homines facit iracundos et levi quacunque
causa minaces. Nona pars turpes facit. Leupoldus: In fine Tauri qui
nascitur erit vilis et pauper. Sed antiquiores dixerunt in septima Tauri
parte ascendere formosam mulierem et hominem superbum. In
vigesimatertia hominem retro in terram cadentem, quasi in omnibus
infortunatum, in vigesimaquarta hominem fortem in factis suis, in
subsequenti debilem. Sed id, non ex stellis, sed naturalibus causis:
nam isti ex bovinae formae aspectu humanam describunt. Sunt enim

pagina successiva »