Della Porta, Giovan Battista

Coelestis Physiognomoniae libri sex

Caput XI.
De Sagittarii forma, moribus et eorum physicis rationibus.

Inquit Hali:

Sagittarius est flavi coloris, longorum crurum et
grossorum, faciei ac barbae longae, acuti menti, subtilium capillorum,
magni ventris, apparet a tergo pulchrior quam anterius. Leupoldus:

Sagittarius habet caput bonum, foemina morietur partu, vel sanguine,
vel in aqua; similiter in fine. Bonatus:

Delectatur equitare. Maternus:

Horoscopus in Sagittario multos adversarios faciet et collectum
patrimonium, unde non speraverat, confertur; peregrinis frequenter
rigoribus detinebitur; grandem fluvium aut grandem pelagum navigabit.
Erit semper in publicis conversationibus positus: in aquosis aut ex
aquosis locis vitam pariter habebit et fructum, plurimas artes et
disciplinas consequetur; erit cordatus, ingeniosus et omnium rerum
scius. Quod sit longorum crurum et grossorum, magni ventris et
posteriora pulchriora anterioribus, id est inferiora formosiora superio-
ribus, ut superius iam diximus, et stellae, quae in eiusmodi imagine
quamplurimae martiae naturae et rubicundae et flavi coloris, ex Ari-
stotele, Galeno et Avicenna temperiem arguit inter adustam et frigidam,
ut in Physiognomonicis, et hos fortes et animosos ac leonibus compa-
randos esse: ob id non immerito adversarios multos habebit et, quia
audax in publicis conversationibus semper positus, ob temperiem bo-
num consequetur ingenium; unde multas artes et disciplinas conse-
quetur: ingeniosus, cordatus et multiscius. Et quia martius est, in
varias regiones peregrinabitur et multum equitabit; quia qui calidi
loco stare nesciunt, sed impatientes. Sed qui longorum crurum et
magnorum sunt et magni ventris, subtilium capillorum lunares sunt:
nam stellae quae in acie iaculi sunt lunares, scilicet humidi et frigidi
temperamenti, et participabit sua complexio etiam de frigiditate et
humiditate; ob id itinera eorum per aquas erunt et in aquosis morabitur
et ex iis suos fructus conquiret.

pagina successiva »

p. 111