informazioni|progetto|link|home|

Della Porta, Giovan Battista

Coelestis Physiognomoniae libri sex

guinis in corpore et colore. Est portarius, magni se existimans, bonae
famae, liber, magni sumptus, vastator sui patrimonii. Bonatus: Facit
hominem album, pulchram habens faciem et coloratam, crus alterum
altero maius. Leupoldus: Aquarius in medio bonus in fine vir vilis,
foemina meretrix. Maternus: Horoscopus in Aquario, quodcumque
consecutus fuerit, qualicumque rursus laceratione dilapidabit et,
quicquid habuerit vel quaesierit, rursus amittit, sed, quod amissum
fuerit, facili ratione plerumque colligitur, multos suscipiet fovens et
multis vitae alimenta praestabit et erunt circa ipsum ingrati quibu-
scunque ab ipso aliquid fuerit forte collocatum et magnis viris erit
bonis actibus notus. Quem album dicit Hali et Bonatus coloratum
pulchrum, nos in Physiognomonicis diximus candirubrum qui color
facit hospitales, munificos etiam erga maleficos, ut quaecunque
consecutus fuerit, laceratione dilapidabit et rursus quicquid amissum
fuerit, facili ratione cumulabit. Delectabitur nobilioribus artibus et
scientiis, ob nobilissimam temperiem et ob nobilissimos eius mores
erit principibus carus et notus. Et quia praestantium scientiarum api-
cem tetigisse videbitur, invidia prosequetur.

Caput XIV.
De Piscium imagine et moribus.

Piscis, ut Hali scribit, est ampli pectoris, parvi capitis, pulchrae
barbae, magnae faciei. Deiectus dormitor, albi coloris, rotundorum
oculorum et in forma sua habet maculam. Bonatus: Facit hominem
habentem pectus amplum, caput parvum et pulchrum, barbam pul-
chram atque florentem, malum faciei, respectu sui capitis amplum,
album colorem, rotundos habentes oculos et magnanimum. Leupol-
dus: Piscis est mediocris. Vir pauper, filiorum multorum, voce pauca,
villicus vel paraliticus. Si horoscopus fuerit in Piscibus, inquit
Maternus, erit natus ingeniosus, cordatus, fidus amicus et necessarius
et ex quibusdam negotiis promovebitur, ita tamen ut potestati eius et

pagina successiva »