Della Porta, Giovan Battista

Coelestis Physiognomoniae libri sex

vincendum et impugnandum reges et vicinos suos. Alii: Sol, in pri-
ma facie Leonis, facit corpore venustos, rubicundos colore, modico
permixto albore, oculis variegatis, corpore recto, pedibus autem
morbidis, praecipue in senio, fama et egregiis factis agnitum pluribus,
simplicem, dilectum a regibus et principibus terrae. In secunda facie
pectore lato, testiculis et membris genitalibus cordatum et honorabilem.
In tertia facie staturam brevem colore roseo, permixto etiam albore,
obnoxium etiam multis aegritudinibus, scortatorem et mulierum
amatorem.

Sol, in omnibus partibus Virginis, ex Hali, est rex qui diligit
iocularias cantilenas, stare tacitus et eius voluntas in comedendo et
bibendo, in rebus odoriferis quiescendo et in omnibus vitiis corporis.
Alii: in prima facie facit natum decentis staturae, corpore procero,
facie pulchra, sciolum, acutum, prudentem, crispo capillitio, comatu-
lum, arguta et sonora voce, multarum artium peritum, sed infortuna-
tum in procreandis liberis. In secunda similiter facie venusta, parvis
oculis, pulchro naso, doctum, probum, integrum et laudis cupidissi-
mum. In tertia facie simplicem, pulchrum, docilem sensatum, pru-
dentem.
Hali:

In omnibus Librae partibus Sol est rex qui tristis fuit et
etiam sublatum est regnum suum et interfectae legiones suae et vadit
fugiendo de uno loco in alium qui magnum timorem habet corpus
perdendi. Alii: in prima facie Librae facit natum facie pulchrum,
simplicem, laboriosum, modestum, sauciandum aliquando in capite.
In secunda similiter facie pulchra, sed oculis interdum lippis, nam
vitium aliquod illis inerit. In tertia honorabilem, observandum, pul-
chrum in extremo vero nullius, vel cuiusque sexus, caveat ne toxicum
quippiam accipiat.
Hali:

Sol, in omnibus partibus Scorpionis, est homo elatus, magnae
formositatis, completi corporis et limpidi, pulchrarum vestium, incessus
compositi et qui valde timetur. Maternus:

Sol, si in Scorpione fuerit
inventus, quicunque sic eum habuerint, homines erunt formosi, com-
pleti corporis et ornati, magni nominis et famae et qui ornatis vestibus
delectentur. Erunt quoque tales qui honorem atque existimationem a

pagina successiva »

p. 125