informazioni|progetto|link|home|

Della Porta, Giovan Battista

Coelestis Physiognomoniae libri sex

tali erunt praediti dignitate ut etiam fratrum suorum domini esse
videantur, erunt locupletes, pecuniosi.
Saturnus, item in facie Scorpionis, est mirabilis creatura foeda, multi
mali, multarum rixarum, similis videtur viro qui a Rasi et Avicenna
describitur, facies foeda, color cum quadam obscuritate rubeus, cutis
faciei sicca ac totius corporis iugosa macies, cacies capillorum
nigredinis levitas atque hic pessimorum morum erit. Avicenna, de
contraria corporis compositione et dissimili et esse malo ingenio
intellectuque, ut in nostris Physiognomonicis: De fatuo improbo.
Saturnus, in omnibus faciebus Sagittarii, est magnus, fessus,
incompositus vel multis membris, spinae curvae vel apertae, paupertatis
et miseriae manifestae.

Caput XXV.
Iuppiter per zodiaci signa quos mores et formas det.

Iuppiter, in secunda facie Tauri, est obcoecatus, debilibus membris,
stricti colli, curvae spinae, malae qualitatis, paupertatis apertae et est
vilis. In prima Aquarii est venator, de bonis et pulchris pannis vestitus,
formosus, compositus, lympidus et timetur. In tertia facie sicut prima.
Maternus: Si Iuppiter in Aquario fuerit inventus, homines venatores
erunt, formosi tamen, bene compositi et qui pulcherrimis lautisque
vestimentis delectentur: ob eamque causam a plerisque metuantur et
diligantur. Erunt gulones, bibones et qui posthabita omnis rei familiaris
cura nil aliud affectent, nisi Epicureorum more, sine laboribus quiete
et rerum ubertate vivere.

Caput XXVI.
Mars in zodiaci signis quos mores et formas largiatur.

Hali: Mars in tertia facie Tauri est formae mirabiliter turpis, abo-
minabilis vultus, iocatores diligit, hilaritates, cantiones et vitia. Mater-
nus: Si Mars in Tauro fuerit inventus, erit homo turpissimi foedissi-

pagina successiva »