informazioni|progetto|link|home|

Della Porta, Giovan Battista

Coelestis Physiognomoniae libri sex

mique aspectus, iocisque ioculationibus continue deditus, etiam edax,
temerarius, obliguritor hacque de causa infoelicitate plurima defatica-
bitur.
Mars in facie tertia Geminorum est vilis, pauper, defectivus, pauperi-
bus servit et habentibus membra debilia et petentibus elemosinam.
Maternus: Si Mars in Geminis fuerit inventus, cum primum geniturae
loca Saturnus pertransierit, pauperes effecti et fortasse corpore vitiati,
nec necessaria vitae poterunt subsidia sufficienti animo parare.
In secunda facie Cancri Mars est homo inhonesti vultus, mirabilis
figurae, mirantur homines et rident eum. Maternus: Mars in Cancro
si fuerit inventus, quicunque sic eum habuerint, erunt foedissimi
aspectus, mirabilis formae et quos primum omnes irrideant. Erunt
equites et qui balistarum tormentorumque iaculationibus delectentur,
equos nutrient et beluas ad militiam pertinentes, erunt quoque milites
et militaribus negotiis impediti, unde sibi honorem quandoque et
caeterorum militum timorem acquirant.

pagina successiva »